.jpg)
بادغیس ولایتیده امنیتی کوچلرنینگ هلاک ایتیلگنی و چیگره کوچلرینینگ طالبان قولیگه توشگنی باعث، اوشبو ولایت یشاوچیلری 20 کون آلدین ولایت مقامی برابریده ناراضلیک نمایش یولگه قویگن ایدیلر.
او کونده بادغیس حاکمی عبدالغفور ملکزی، اعتراضچیلر آرهسیده حضور تاپیب بالامرغاب تومنینینگ سقوط قیلمهیشی توغریسیده اوشبو ولایت یشاوچیلریگه ایشانچ بیریب و بو تومن سقوط قیلگن صورتده، خودکشلیک قیلیشینی ایتگن ایدی.
بیراق، 20 کوندن بویان طالبان گروهی بالامرغاب تومنی اوستیگه هجوملرینی کوپهیتیریب و بو تومن قطار بولیملرینی تصرف قیلگن.
اوتگن 3 کون جریانیده بالامرغاب تومنیده جایلشگن ملی اردو کندکیدن باشقه بوتون دولتی بولیملر بو گروه نظارتیگه اوتگن.
بادغیس ولایتی کینگش اعضاسی فرید اخیزی نینگ ایتیشیچه، حاضرگهقدر بالامرغاب امنیتی وضعیتیگه هیچقندی ایجابی اوزگریشلیک کیلمهگن.
.jpg)
جناب اخیزی نینگ ایتیشیچه، بادغیس حاکمی شوندی صحبتلر بیلن اهالینی الدهیدی. اونینگ کوپهیتیریشیچه، حکومت مسووللری عملگه آشیرهآلمهیدگن ایشلر خصوصیده ایشانچ بیرمهسی کیرهک.
بیراق، بادغیس حاکمی عبدالغفور ملکزی نینگ ایتیشیچه، بالامرغاب تومنی امنیتی کوچلر نظارتیگه دیر و بو تومن نینگ سقوط قیلیشیگه رخصت بیرمهیدی.
207 ظفر قول اردو قومندانلیگینی سوزلاوچیسی عارف رضایی نینگ ایتیشیچه، چیتایللیک کوچلرنینگ هوایی حمایتی آرقهلی، کمکی کوچلر بالامرغاب و آبکمری تومنیده یوباریلگن.
جناب رضاییگه کوره، اوتگن کیچه بالامرغاب و آبکمری تومنیده اویوشتیریلگن عملیات نتیجهسیده، طالبان جنگریلریدن 40 تهسی هلاک ایتیلگن.
شوتوغریده…
