ایش بیلرمانلرنینگ ایتیشیچه، شمالی ولایتلر اینیقسه بلخ ولایتیگه ناتانیش کیشیلر گروهی شکلده کیرگنی باعث، مذکور ولایتده کوکنار ایکینی کوپهیگن.
سلاموطندار بیلن صحبت اوتکزگن نجیب پیکاننینگ ایتیشیچه، عصیانچیلرگه قرشی اوروش جنوبدن شمالگه تارتیلدی و شمالی ولایتلرده کورینگن ناتانیش کیشیلر، دولتگه قرشی قوراللی عصیانچیلرنینگ جبههلری کوچلهنیشینی کورستهدی.
جناب پیکانگه کوره، حاضر قطار کیشیلر، اوزلرینی جنوبی ولایتلرنینگ یشاوچیلریمیز دیب تانیشتیرهدیلر و حقیقتده شمالدهگی طالبلرنینگ تشکیلاتینی کوچلنتیرهدیلر.
پیکاننینگ کوپهیتیریشیچه، افغانستان هردایم جنوبده پاکستان بیلن بولگن دروازهسی آچیقلیگیدن زیان کورهدی و عصیانچیلر هردایم مذکور چیگرهلردن افغانستان توپراغیگه کیرهدیلر.
بلخ مدنی فعاللریدن بیری حمید صفوتنینگ ایتیشیچه، شمالده کوکنار ایکینی تکرارسیز شکلده کوپهیگنی باعث، جنوبی ولایتلرنینگ یشاوچیلری و چیت ایللیکلر، کوکنارگه نیشتر اوریش و مخدره ماده محصولاتینی ییغیش بهانهسی بیلن شمالی ولایتلرگه هجوم کیلتیرگنلر.
شونینگدیک، بلخ ولایت کینگشی اعضالرینینگ ایتیشیچه، قوراللی طالبلر و قطار محلی قومندانلر، ایکینچیلرنی کوکنار ایکینیگه آلقیشلهیدیلر.
ولایتی کینگش اعضاسی محمدابراهیم خیراندیشنینگ ایتیشیچه، بلخ محلی ادارهسی و امنیتی تشکیلاتلردهگی مدیریتسیزلیک باعث، بلخده کوکنار ایکینی کوپهیگن و چیت ایللیکلر، جنوبی ولایتلرنینگ یشاوچیلرینی آتیدن فایدهلنیب بو ولایتگه کیلگنلر.
سونگی کونلرده، قطار کیشیلر گروهی شکلده اوزلرینی جنوبی ولایتلردن تانیتیب شمالی ولایتلرگه کیلگنلر و اولرنینگ کیلگنلری اهالی آرهسیده خواطر توغدیرگن.
