هرات امنیه قومندانلیگی جنایی تیکشیرو باشلیغی سیدگل آغا هاشمینینگ سلاموطندارگه ایتیشیچه، اوتکن دوشنبه کیچه، هرات شهری کمرکلاغ منطقهسیده «آریاترکمن نبیزاده» گاز ایستیشنی اوتکه یانگن، اوشبو یانغین نتیجهسیده، 11 کیشی هلاک بولگن و باشقه 12 کیشی یرهلنگن.
جناب هاشمیگه کوره، اوشبو شرکتنی بیر گاز تانکری یقینیده بولگن بیر اولتیریش اوی یانیده یانیب، پارتلهگنیدن کیین، مذکور عایله 11 اعضاسینینگ اولیمیگه باعث بولگن. یانغین جریانیده، گاز شرکتینینگ باشلیغی، اوغلی و باشقه ایکی انجینیری بیلن اوتکه یانگن و اولرنینگ کوییگی آغیر بولگنی باعث، تیزلیکده مملکتدن تشقری یوباریلگن.
جناب هاشمینینگ کوپهیتیریشیچه، بیر آز مدتدن کیین پولیس و اوت اوچیرهدیگن کوچلر واقعه محلیده ییتیشیب، تیزلیکده اوتنی اوچیرگنلر.
باشقه تاماندن، هرات والیسی سوزلاوچیسی احسانالله حیاتنینگ ایتیشیچه، اوشبو یانغین، گاز شرکتی ایگهسیگه 42 میلیون افغانی مالی زیان ییتکیزگن. جناب حیات، بو واقعه دلیلینی شرکت قوروقچیلرینینگ دقتسیزلیگی دیب بیلهدی.
عین حالده، هرات حوزهوی کسلخانه سوزلاوچیسی محمد رفیق شیرزینینگ ایتیشیچه، هلاک بولگنلر و یرهلنگنلر ایچیده عیال و بالهلرهم شامل بولگن.
عینی گواهلرنینگ ایتیشیچه، نبیزاده گاز شرکتی، محلیدن کیین مه کیین اوچ پارتلش سیسینی ایشیتکن چاغیده، اویلرینی ترک ایتیب و تینچ منطقهده باریب یاشینگنلر.
هرات یشاوچیلری نیچه مرته دولتدن، هرات شهری شمالی، اولتیریش اویلر یقینیده بولگن نفت و گاز شرکتلرینی شهردن تشقری انتقال بیریشینی سورهگن. بیراق کورینیشیچه، دولت بو شرکتلرنی انتقال بیریشگه هیچ بیر لایحهنی قولگه آلمهگن.
