سیانان خبرگزارلیگی ایکی آمریکالیک منبعدن نقل قیلیب گزارش بیریشیچه، آمریکا حکومتی جاری ییل خزان آیی گه قدر 4 مینگ عسکری نی افغانستاندن چیقاریش ریجهسینی نهایی قیلماقده.
حاضر افغانستانده آمریکا حربیلری نینگ سانی 8600 کیشی گه کمهیگن و مذکور ریجه عملی بولیشی بیلن اولرنینگ سانی 4500 کمهیشی ممکن.
سیانان نینگ گزارشی گه کیلیشیچه، آمریکا حربیلری نینگ سانی کمهیش قراری طالبان گروهی نینگ هجومی کوپهیگنی باعث حاضرگچه نهایی بولمهگن.
بو ریجه نهایی بولمهگن بیر حالده، آمریکا مدافعه وزیری مارک اسپر مذکور ریجه توغریسیده ناتو بیرلشیکلری بیلن سوزلشگن و بو ریجه اونینگ بروکسل ده ناتو رسمیلری بیلن اوتکزگن ییغینلریده تیکشیروو آستیده آلینگن.
اوتگن ییل آمریکا و طالبان گروهی آرهسیده قطرده امضالنگن کیلیشوونامه اساسیده، مذکور مملکت 4 آی جریانیده یعنی جولای آیی نینگ یریمی گه قدر افغانستان گه موجود حربیلری نینگ رقمی نی 12 مینگدن 8600 گه کمهیتیرهدی و 14 آی گچه برچه آمریکالیک حربیلر افغانستان نی ترک قیلیشی گه قرار قیلینگن.
آمریکا مرکزی قومندانلیک مرکز (سنتکام) باشلیغی جنرال کنت مککنزی نینگ ایتیشیچه، آمریکا اوتگن ییل فبروری آییده طالبان بیلن امضالهگن کیلیشوونامه اساسیده، افغانستان گه موجود حربیلری نینگ رقمی نی 8600 کیشی گه کمهیتیرگن.
طالبان گروهی تینچلیک کیلیشوونامهسی اساسیده عمل قیلمهی و افغانستان امنیتی کوچلری گه قرشی هجوملرینی کوپهیتیرگن بیرحالده، آمریکا حکومتی عسکرلرینی افغانستاندن چیقاریش خصوصیده سعی و حرکت قیلماقده.
