غزنی محلی مسئوللری نینگ ایتیشلریچه، بیر عسکر بو ولایت مرکزی گه تیگیشلی «آرزو» قیشلاغیده سووسیزلیکدن جان بیرگن.
غزنی ولایتی کینگش اورینباسری امانالله کامرانی نینگ ایتیشیچه، غزنی مرکزی گه تیگیشلی «آرزو» قیشلاغیده بیر پوسته نیچه هفتهدن بویان طالبان جنگریلری نینگ قمرویگه دیر و او ییرگه ییگولیک آذیق-آوقت انتقال بیریش ناممکن دیر.
اونگه کوره، اوتگن کیچه بیر عسکر بو پوستهده سووسیزلیکدن جان بیرگن و اونینگ یولداشلریدن ۴ تهسی سوو اَختریب چیققن بیر حالده، طالبان جنگریلری قولیگه اسیر بولگن.
بیراق محل یشاوچیلری نینگ ایتیشلریچه، اوشبو پوسته نینگ ۶ عسکری آذیق-آوقت و سوو ییتیشمهسلیگی باعث طالبان گه تسلیم بولگن.
اولرگه کوره، اوچ عسکر طالبان جنگریلری بیلن آتیشمه اوتکزیب هلاک ایتیلگن.
اردو اوچینچی لواسی سوزلاوچیسی علی شکاری، آرزو قیشلاغیده امنیتی کوچلر و طالبان گروهی آرهسیده آتیشمه یوزبیرگنی نی تصدیقلهگن.
اونگه کوره، مذکور آتیشمهده ۶ طالب هلاک و باشقه ۴ طالب یرهلنگن.
غزنی ولایتی کینگش اورینباسری، بو ولایت محلی مسئوللری نینگ توجهسیزلیککه عیبلب ایتیشلریچه، اوشبو ولایت سقوط عرفهسیده قرار تاپگن.
