پاکستان حربی کوچلر مرکزینینگ باش قوماندانی جنرال راحیل شریف اوتگن کون افغانستان کیلیب، ملی بیرلیک حکومتی یوقاری مرتبهلی رسمیلری بیلن اوچرهشیب ملاقات قیلگنی مملکت ایریم سیاسی تحلیلچیلرینینگ عکسالعملیگه روپهره بولدی. پاکستان حربی کوچلر مرکزینینگ باش قوماندانی راحیل شریف اوتگن کون افغانستان کیلیب، ملی بیرلیک حکومتی بلند مرتبهلی رسمیلری بیلن اوچرهشیب ملاقات قیلگن ایدی. ملاقاتده کوپراق ترورچیلیککه قرشی کورهشیش همده تینچلیک مذاکرهسی قیته باشلهنیشی محاکمه ایتیلگن.
افغانستان نینگ قوشنیلریدن بولمیش پاکستان هر دایم بو مملکت امنیتی رسمیلری تامانیدن ترروچیلرنی حمایت قیلگن لیکده عیبلَنیب کیلگن. پاکستان امنیتی یوقاری مرتبهلی رسمیسینینگ ترورچیلیککه قرشی کورهشیش همده تینچلیک مذاکرهسی قیته باشلهنیشی اوچون بیرگن وعدهسی بارهسیده هنوز ایریم شک و تردیدلر بار.
سلاموطندار بیلن صحبت قیلگن سیاسی تحلیلچی وحید مژدهنینگ سوزلریگه کوره، بو اوچرهشوولر سابق اوتکزیلگن اولتیریشلر کبی مملکتگه منفعت کیلتیرمیدی.
جناب مژده، پاکستان بلند مرتبهلی رسمیلری بوندهی کیلیب کیتیشلر بیلن افغانستان و هند اورتهسیده بولگن نیک علاقهگه توسیق یرهتیشگه اولگورهدی دیگن.
جناب مژده، هر دایم هندوستانلیک بلند مرتبهلی رسمی افغانستانگه کیلسه، پاکستان هم اوز رسمیلرینی بو مملکتگه یوبارهدی دیگن.
عینحالده، سیاسی تحلیلچی لطیف نظرینینگ سوزلریگه قرهگنده، پاکستان دولت یوقاری مرتبهلی رسمیلرینینگ بوندهی سفری عامه خلق ذهنینی چلغیتیشگه باعث بولیشینی ممکنلیگینی بیلدیرگن.
مذکور سیاسی تحلیلچیلرنینگ ایتیشیلریچه، موجود قیین چیلیکلر بر طرف ایتیلیشی اوچون پاکستان و افغانستان عملده آدیم کوتارمی دیورندی چیزیغی، افغانستان سوو مسالهسی و مملکت تشقی سیاستلری حل بولمه گونگه قدر، افغانستانده تینچلیک تامین ایتیلیشی ممکن ایمس.
بوندن آلدین هم پاکستان رسمیلری نیچه مرته افغانستانگه سفر قیلیب، ترورچیلیککه قرشی کورهشیش، افغانستان و طالبلر ارا تینچ لیک مذاکرهسی اوچون همکارلیک قیلیش اوچون وعده بیرگنلر، اما پاکستان یوقاریده ایسلهتیلگن مسالهلر اوچون هنوز علمده همکارلیک ایتمهگن.
نمایندهلر مجلسینینگ بوگون (دوشنبه) عمومی ییغینیده نمایندهلر مجلسینینگ قطار نمایندهلری افغانستان دولتی پاکستان بیلن بو اوچرهشیشنی اینگ سونگی فرصتده نظرده توتیشی بارهسیده تاکیدلهگنلر.
