افغان ملی کوچلری صفیده 18 یاشگه ییتمهگن گودکلر بارلیگی توغریسیده بار – بار گزارش نشر بولگن ایدی. شونینگدیک بو بالهلر ملی کوچلر صفیده بلند مرتبهلی رسمیلر آرقهلی جنسی زورلهنیشلری هم ایتیلگن ایدی.
مساله تیکشیریلیشی اوچون افغانستان حکومتی ایش و اجتماعی مسالهلر بوییچه وزیرلیک، امنیتی ادارهلر، دولت باشقرهلاوچیلیگی و انسان حق و حقوقلرینی حمایت قیله دیگن تشکیلاتلر نمایندهسیدن عبارت کمیسیون قوریلیب موضوعنی اورگنگن.
اوشبو هیات افغانستان بویلب قیلگن سفری جریانیده مملکت ملی کوچلری صفیده 18 یاشگه ییتمهگن حربیلر بارلیگی ناتوغری ایکن لیگینی اثبات لهگن.
قوم وقبیلهلر بوییچه جمهور رییس نینگ مصلحتچیسی محمدیونس هوتک، افغان ملی کوچلری صفتیده بلاغتگه ییتمهگن گودکلرنی بارلیگی ناتوغری ایکنلیگی اثباتلندی دیگن. جناب هوتک، بو قبیل گزارشلر دولت قوراللی مخالفلرینینگ فتنهسیدن کیلیب چیقتهدی دیگن.
انسان حق و حقوقلری کمیسیون اعضاسی همده هیات اعضالریدن بیری عبدالله عابد، افغانستان بویلب فقط 20 کیشی 18 یاشگه ییتمهگن عسکر بارلیگی انیق لندی دیدی.
هیات نینگ اعضالریگه کوره، حربی تعلمات بیریش مرکزلری بوندن نیچه ییل آلدین بو مرکزگه کیریش تکلیفینی ایلگری سورگن 18 یاشگه کیرمه گنلرنی قبول قیلمهگن ایدی. شونینگدیک مخدر مادهگه بیریلگن 3مینگه یقین شخص نینگ هم ملی کوچلر صفیده خذمت اوچون ایلگری سورگن تکلیفی رد ایتیلگن ایدی دیگن تیگیشلی ادارهلر رسمیلری.
