افغانستان جمهور رییسی داکتر محمد اشرف غنی سونگی بیر هفته جریانیده مملکت نینگ قطار ولایتلری اینیقسه پنجشیر ولایتیده روی بیرگن طبیعی حادثه مناسبتی مخصوص بیانات آرقهلی اوز قیغوداشلیگینی بیلدیردی.
جناب غنی افغانستان خلقیگه خطاب قیلیب ایتیشیچه، طبیعی حادثه لر یوز بیریشینی پیش بینلیک قیلیب بولمیدی، هر لحظه بوندهی طبیعی واقعه لر یوز بیرشی احتمالدن اوزاق ایمس.
مملکت رهبری، بوندهی بیر آغیر وضعیتده افغانستان خلقینی یالغوز قالدیرمسلیک اوچون ایرانگه قیلهجک سفرینی نامعلوم وقتگچه توختتگن لیگینی ایتگن.
جناب غنیگه کوره، طبیعی حادثه لرده اهالیگه کینگ کولمده زیان ییتگن. بو وضعیت هر تامانلمه تیکشیریلیشگه
احتیاجی بارلیگی ایتیلهدی.
افغانستان رهبری نینگ بو توغریده حکومت آلگن تدبیرلری حقیده ایتیشیچه، حکومت دستلب زیان کورگنلرگه کییم -کیچک و آذوق آوقت ییتکزیب بیریشگه سعی وحرکت قیلهدی.
ایکینچی باسقیچده وضعیتنی حکومت اوز کنترولیگه آلیش گه اولگورهدی. اوچینچی باسقیچده افغانستان دولتی زیان کورگه منطقه لرده قیته قوریش و ترقیات لایحهلر عملگه آشیریلیشی اوچون ایش کورهدی.
جناب غنی سوزلریگه کوره، بوندهی اولگن نقصاننی فقط حکومت اوزی جبران قیلیش امکانیتگه ایگه ایمس، بو خصوصده دنیا جماعه چیلیگی هر تامانلمه همکارلیک قیلیشده هر وقت دن کوره قیتیق احتیاج بار.
عین حالده، مملکت بویلب طبیعی واقعهلرده جدی زیان کورگن خانه دانلرگه کومک قیلیش اوچون اعانه صندوغی هم ایجاد ایتیلگن. مملکت رهبری ملی تاجرلر، اهالی و انسان پرورلیک یاردم کورسه تووچی تشکیلاتلردن مذکور صندوققه نقدی پول تولشلرینی طلب قیلگن.
پنجشیر، بغلان، بدخشان، ننگرهار و نورستان ولایتلریده سونگی وقت لرده یاققن قَلین قار نتیجه سیده 247 انسان قار استیده قالیب حیاتدن کوز یومدی. قربانلرنینگ کته قسمی پنجشیر حادثهسیده هلاک بولگن.
حادثه مناسبتی بیلن افغانستان حکومتی اوچ کون ملی ماتم اعلان قیلدی. بو اوچ کونده مملکت نینگ بیرهغی برچه دولت اداره لریده یریم حالده کوتاریلهدی.
