آتی فاش ایتیلیشی نی ایستمهگن خوفسیزلیک بیر منبع نینگ سلاموطندارگه ایتیشیچه، طالبان اوتگن کون شام چاغی کابل ولایتی پغمان تومنی نینگ ارغند منطقهسیده، بیر چکپاینت ایجاد قیلیب و زینتالله ناملی مالیه وزیرلیگی ایشلاوچیلریدن بیری نی اوغیرلهگن.
اوشبو منبع گه کوره، زینتالله مالیه وزیرلیگی بودجهسی عمومی باشلیغی نینگ سکرتری ایکن و طالبان اونینگ اوز موتری ایچیده اوققه توتیب اولدیرگن.
ایتیلیشیچه، زینتالله پغمان تومنی یشاوچیسی ایکن و هرکون مذکور یولدن اوتیب-قیتهدی ایکن.
منبع نینگ کوپهیتیریشیچه، شونینگدیک بوندن آلدین زینتالله نینگ قطار عایله اعضاسی ترورچیلیک حادثهلرده هلاک ایتیلگن ایدی.
طالبان بو توغریده رسانهلرگه هیچ بیر نرسه دیمهگن.
شونینگدیک، مالیه وزیرلیگی حاضرگچه بو حقده فکر بیلدیرمهگن.
