افغانستان جمهور رییسی محمداشرف غنی داعش افغانستان و منطقه اوچون خطردیگن ایدی، اما، ایریملرنینگ بو سوزلرینی بعضی مملکتلردن امتیاز آلیش دیگن ایدیلر.
بوگون بیر یوقاری مرتبهلی هیات رهبرلیگیده مملکتنینگ شرقی ولایتلریگه سفر قیلگن جمهور رییس غنی، بو سوزلرنی ننگرهار بلند مرتبهلی رسمیلری بیلن قیلگن ملاقاتده ایتگن.
شونینگدیک مذکور سفرده جمهور رییس غنی ملی مدافعه وزیرلیگیدن داعش پوستهلری هجوم گه آلینیشی اوچون هوا حملهلر آشیریلیشینی سورهگن. او، داعش افغانستان و منطقه اوچون ییریک تهدید دیگن. غنی ننگرهار ولایتینینگ اهالیسیدن اوز فرزندلرینی ملی کوچلر صفیگه قوشیلیش اوچون ترغیب قلیشلرینی طلب قیلگن.
جمهور رییسنی بو سفرده سنا مجلس باشلیغی، ایچکی ایشلر وزیری، ملی امنیت سرپرستی یولداشلیک قیلگنلر.
.jpg)
عین حالده، بوندن نیچه وقت آلدین ننگرهار ولایتی اچین ولسوالی حاجی غالب سلاموطندارگه داعش اوشبو تومن نینگ ایریم منطقهلریده تورمه تاسیس قیلگنلیگی بارهسیده خبر بیرگن ایدی. ایتیلیشیچه، 300 تینچ اهالی مذکور تورمه لرده سقلنهدی.
حاجی غالبگه کوره، داعشنینگ مذکور تورمهلری عبدالخیل، باندر، مامند، شدل وتخت منطقهلریده ایجاد ایتیلگن.
گزارشلرده داعش گروهی، کمیده اوچ آی ایچیده اوز تصروفیده بولگن منطقهلرده اوچ ته تورمه ایجاد قیلیگنی ایتیلهدی.
داعش گروهی 2006- ییل اشدی فکر بیلن عراقده شکل آلگن ایدی. مذکور گروه 2013- ییل آخرلریده افغانستاننینگ بعضی ولایتلریده اوز فعالیتیگه باشلهدی.
شونینگدیک بعضی تحلیلچیلرگه کوره، داعش گروهی بیر ییل جریانیده افغانستانده کوزگه کورینرلی درجهده رواجلندی. بو گروهنینگ اصلی مرکزی مملکتنینگ ننگرهار ولایتی بولگنی تاکیدلنهدی.
