دایکندی ولایتی کینگش اعضاسی غیرتعلی جواهری نینگ ایتیشیچه، اوشبو ولایت نینگ کجران تومنیده 10 دن باشلب 15 یاشیده بولگن 3 باله طالبان تامانیدن اوغیرلنگنیدن سونگ، اولدیریلگن.
بوگون "دوشنبه" جناب جواهری نینگ سلاموطندارگه ایتیشیچه، مذکور بالهلر بیر هفتهدن آلدین کجران تومنی نینگ «سیلمنجی» قیشلاغیده طالبان تامانیدن اوغیرلنگن ایدی.
دایکندی ولایتی کینگش اوشبو اعضاسی نینگ ایتیشیچه، اوغیرلنگن بالهلرنینگ جسدی بوگون "دوشنبه" ایرتهدن چاغیده بیر تاغ دن تاپیلگن.
جناب جواهری نینگ کوپهیتیریشیچه، «سیلمنجی» قیشلاغی طالبان نظارتیگه دیر و اوشبو گروه مذکور قیشلاغ ده بولگن بیر ساغلیک مرکزنی نیچه مرته تخریب قیلگن.
دایکندی پولیس قومندانلیگی نینگ خوفسیزلیک بولیمی آمری نقیبالله مالستانینینگ بو خبرنی تصدیقلب ایتیشیچه، دستلبکی گزارشلرگه کوره، مذکور بالهلر 10، 13 و 15 یاشر ایکنلر و طالبان تامانیدن اوغیرلنگنیدن سونگ، اولدیریلگن.
جناب مالستانی، بوتوغریده تیکشیریشلر باشلنگنیدن خبر بیرگن.
طالبان گروهی حاضرگهقدر بوتوغریده فکر بیلدیرمهگن.
