ننگرهار حاکمینینگ سوزلاوچیسی عطاالله خوگیانینینگ ایتیشیچه، امنیتی کوچلر تامانیدن مذکور ولایت خوگیانی تومنیده یولگه قویلگن عملیات نتیجه‌سیده، طالبلر تامانیدن پچیراگام تومنیده تعیین ایتیلگن ولسوال ملامحمود 12 همکاری بیلن هلاک ایتیلگن.
جناب خوگیانیگه کوره، مذکور عملیاتده طالبان گروهیگه تیگیشلی بولگن قطار حربی تجهیزات امنیتی کوچلر قولیگه توشگن.
ننگرهار ملی خوفسیزلیک ادارهسی هم بیر خبرنامه آرقهلی، مذکور عملیات نتیجه‌سیده، ملامحمود، قومندان کامران، قومندان لغمانی، کوچی گه تانیلگن حقیار، سید ولی، قومندان ساجد لوگری، قومندان غشی و خنجرینینگ هلاک ایتیلگنینی تصدیقلهگن.
بیراق طالبان گروهینینگ سوزلاوچیسی ذبیحالله مجاهد، طالبان جنگرهلریدن 3 تهسینینگ هلاک ایتیلیب و باشقه 2 تهسینینگ یرهلنگنینی تصدیقلیدی. اونینگ ایتیشیچه، آتیشمه نتیجه‌سیده امنیتی کوچلردن 11 تهسی هلاک ایتیلگن.
