فراه ولایتی نینگ ولایت کینگشی اعضالری همده مدنی فعاللر اعضاسی ملی اردونینگ تیک اوچرلری ولایت نینگ بالابلوک تومنینی نشانگه آلگن لیگینی ادعا قیلگنلر. هجوم نتیجهسیده 19 تینچ اهالی قربان بولیب باشقه 15 انسان یرهلنگن.
فراه ولایت کینگشی نینگ اعضاسی فرید بختور، افغان ملی کوچلری پنجشنبه کونی قوراللی طالبلرنی هجوم آستیگه آلیش اوچون هوا دن تیک اوچرلر ییردن ایسه آغیر قورال اسلحه نی ایشگه سالیش بیلن علمیات اوتکزگنلر دیگن. عملیات عاقبتیده منطقهدهگی تینچ اهالیگه آغیر تلفات ییتگنی ایتیلهدی. جناب بختور، عملیاتده جنگری طالبلرگه تلفات ییتمهگن دیدی.
عین حالده، فراه ولایتی نینگ ولایت کینگش اعضاسی، افغان ملی کوچلرینینگ اوتکزگن حربی عملیاتلرینی جدی تنقید آستیگه آلیب، ملی کوچلر عملیاتده تینچ اهالیگه تلفات ییتکزیلمس لیگینی نظرده توتمیدیلر دیگن.
فراه ولایتی نینگ بیر قطار مدنی فعاللری، تینچ اهالی ملی ارودنینگ هوا کوچلری همده آغیر قورال اسلحهسی آرقهلی نشانگه آلینیشی توغریسیده تشویش بیلدیرگنلر.
فراه ولایتی شفاخانهسی نینگ باشلیغی عبدالحکیم رسولی نینگ ایتیشیچه، بالابلوک تومنیده قربان بولگن 4 کیشی و 19 یرهلنگن انسان مذکور شفاخانهگه آلیب کیلینگن. بولرنینگ ایچیده خاتینلر همده بلاغتگه ییتمهگن گودکلر هم بارلیگی ایتیلهدی.
اما، بالابلوک تومنی نینگ حاکمی سیداحمد ملی اردو حربیلرینینگ هوا دن اوتکزگن حربی عملیاتیده تینچ اهالیگه تلفات ییتگنلیگینی رد قیلگن. عملیات باشلنمسدن آلدین بوتون خانهدانلر اوی جایلرنی ترک قیلگن دیگن تومن حاکمی. اونینگ سوزلریگه کوره عملیاتده اولگنلر برچهسی جنگری طالبلر دیر.
فراه ولایتی والیسی نینگ سوزلاووچیسی محمدناصر مهری، عملیاتده تینچ اهالی نشانگه آلینگنلیک مساله اورگه نیلیشی باشلگن دیگن. جناب مهرینینگ تعبیریچه، جمعه کون کیچکی پیت تینچ اهالی بالابلوک تومنی نینگ «تودنک» منطقهسیدن خوفسیزلیگی تامین بولگن منطقه گه باره دیگن پیتده موتری یول چیتیگه اورنه تیلگن ماینگه روپه ره بولگن. نتیجهده 8 کیشی قربان بولیب کمیده 20 انسان ایسه یرهلگن.
