.JPG)
جمهورلیک ریاستی نینگ بیرینچی اورینباسری جنرال عبدالرشید دوستم طاهر یولداش نینگ 3 عایله اعضاسی قطار عیاللر و بالهلر بیلن طالبان تامانیدن توتقونگه آلینگنیدن خبر بیرگن.
اوتگن کون (چهارشنبه 8- عقرب) امنیتی کوچلر عایلهسی بیلن همدردلیک قیلیش و امنیتی وضعیت نی تیکشیریش اوچون جوزجان ولایتی نینگ آقچه تومنیده بارگن جنرال دوستم نینگ ایتیشیچه، طالبان 4 کوندن آلدین سرپل ولایتیده طاهر یولداش نینگ 2 اوغلی و بیر سینگیلیسی نی باشقه 20 عیال و باله بیلن قولگه آلیب حبس قیلگن.
جمهورلیک ریاستی بیرینچی اورینباسری گه کوره، حاضر طاهر یولداش نینگ ایناغهسی سرپل تاغلریده حیات کیچیرهدی و قولگه آلینگنلرنینگ برچهسی اونینگ آقاربلریدن دیر.
طاهر یولداش اوزبیکستان تحریک حزبی رهبری ایدی کیم میلادی 2009- ییلده هلاک ایتیلگنی توغریسیده خبر ترقهتیلدی. مذکور گروه جنگریلری طالبان و القاعده گروهی گه تیگیشلی جنگریلری بیلن بیرگهلیکده افغانستاندهگی آمریکا کوچلری، افغانستان حربیلری و پاکستان امنیتی کوچلری بیلن اوروشهدی.
طالبان حاضرگچه طاهر یولداش عایله اعضاسی قولگه آلینگنی توغریسیده رسمی شکلده هیچ بیر نرسه دیمهگن، بیراق مذکور گروه سوزلاوچیلری بو توغریده تیکشیروو باشلنگنیدن سوز بیرگن.
شو توغریده:
جوزجانده بیر آشچی 20 عسکرنینگ اولیمیگه سبب بولدی
جوزجان ده طالبان تامانیدن 200 گه یقین باله و اوسمیر قیناقلنگن
جوزجان؛ 100 امنیتی عسکر طالبان تامانیدن قمراوگه آلینگن
.jpg)
جمهورلیک ریاستی نینگ بیرینچی اورینباسری جوزجان ولایتی نینگ آقچه تومنیده قیلگن سفریده طالبلرنینگ نیچه پسترمهسیگه روپهرو بولگن. جناب دوستم آقچه تومنیده امنیتی کوچلردن 20 تهسی نینگ هلاک ایتیلگنینی «ناجوانلیک» دیدی. اونینگ اورغولشیچه، طالبان قتل و قان توکیشدن قول تارتمهگن حالده، فاریاب، سرپل و جوزجان ولایتلریده اوروش رهبرلیگی نی قولگه آلیب و بو گروه نینگ بوتونلی نابود قیلهدی.
ایکی کون آلدین امنیتی کوچلردن 22 تهسی طالبان آرقلی جوزجان ولایتی نینگ آقچه تومنیده هلاک ایتیلدی.
جوزجان ولایتی نینگ آقچه تومنیدن سلاموطندارگه کیلگن معلوماتلر اساسیده، مذکور امنیتی کوچلر بیرینچیدن بالاحصار آشچیسی آرقلی زهرلهنیب و کیین ایسه طالبان آرقلی اوققه توتیلگن.
شونینگدیک جناب دوستم افغانستان بوییچه خاص خوفسیزلیک ریجهلر قولیگه بارلیگیدن سوز بیریب کوپهیتیریشیچه، مذکور ریجهلرنی افغانستان امنیتی کوچلری نینگ همکارلیگی بیلن عمل گه آشیریشی ممکن.
