تمیم شنسب اوتگن کونی کابلنینگ ینگی شهریده، امنیتی کوچلر بیلن توقنشگن ایدی، بیراق بوگون "سهشنبه" امنیتی کوچلر تامانیدن قولگه آلندی.
گزارشلرگه کوره، جناب شنسب خصوصی امنیتی کمپنیلردن بیرینینگ باشلیغی دیر.
ایچکی ایشلر وزیرلیگی سوزلاوچیسینینگ اورین باسری نصرت رحیمینینگ سلاموطندارگه ایتیشیچه، جناب شنسب 18 قوروقچیسی بیلن پولیس تامانیدن قولگه آلینگن. جناب رحیمیگه کوره، آتیشمه نتیجهسیده بیر پولیس و تمیمنینگ قوروقچیلریدن بیری هلاک ایتیلیب و باشقه 6 پولیس یرهلنگن دیر.
ایچکی ایشلر وزیرلیگی سوزلاوچیسینینگ اورین باسریگه کوره، تمیم شنسب کابل یشاوچیلریدن بیری اسداللهنینگ اوینی غضب قیلگن ایدی و پولیس مذکور اوینی بیکار قیلیش اوچون حرکت قیلگن صورتده، شنسبنینگ مقاومتی بیلن روپهره بولگن.
امنیتی کوچلر و تمیم شنسبنینگ قوروقچیلری آرهسیده صورت تاپگن آتیشمه، کابلنینگ ینگی شهری یشاوچیلرینینگ بیرکون رخصت بولیشیگه سبب بولدی.
امنیتی مسووللرنینگ ایتیشیچه، تمیم شنسب و قوروقچیلرینینگ قولیدن پیکا و راکت شامل قطار قورال امنیتی کوچلر قولیگه توشگن و بو توغریده بولگن جزییات ییقین کونلرده میدیالر بیلن شریک ایتیلهدی.
