بدخشان ولایتی مخدره مادهگه قرشی کورهش ریاست مسؤوللری، اوشبو ولایتده 500 هکتار ییر کوکناری تازهلنگنیدن خبر بیرهدیلر. اولرنینگ ایتیشیچه، بو ییل بدخشان ولایتیده کوکنار ایکینزارلرینی نابود ایتیش ایشلری جریانیده 6000 هکتار ییر کوکناری دن 500 هکتار ییر کوکناری تازهلنگن و تازهلش دوام ایتهدی.
سلاموطندار بیلن صحبت اوتکزگن بدخشان ولایتی مخدره مادهگه قرشی کورهش ریاست باشلیغی محمدقاید افندینینگ ایتیشیچه، ناتینچلیکلر و ایریم تومنلرده ناقانونی قوراللی کیشیلر حضوری باعث، کوکنار میزانی آشگن.
بیراق جناب افندینینگ ایتیشیچه، کوکنار ایکیلگن ییرلرنی تازهلش ایشی دوامیگه قوشمچه، جاری ییل بدخشانده مخدره ماده ایشلب چیقاریش میزانی کمهیگن.
بدخشان پولیس قومندانلیگی مخدره مادهگه قرشی کورهش مدیری سهراب رسولینینگ ایتیشیچه، حاضر مذکور ولایتنینگ ساووق ییرلریده کوکنار محصولاتینی کوتریش موسومی کیلمهگن و اولر ساووق منطقهلردهگی کوکنار ایکینزارلرینی نابود ایتیش اوچون سعی و حرکت قیلهدیلر.
بدخشان ولایتی مخدره مادهگه قرشی کورهش ریاست مسؤوللری تامانیدن بیریلگن رقم اساسیده، جاری ییل بدخشانده 6000 هکتاردن آرتیق ییرده کوکنار ایکیلگن و بو رقم اوتگن ییلگه قرهگنده 10% میزانی آشگنینی کورستهدی.
اولرگه کوره، اوتگن ییل مذکور ولایتده 5000 هکتار ییرده کوکنار ایکیلگن ایکن.
