.jpg)
قویاش یاغدوسی ییرگه توشمهگن چاغده، طالباننینگ ظلمی آستیگه یشهیدیگن عایلهلر بیلن صحبت اوتکزیش اوچون جوزجان ولایتینینگ 2 ناتینچ تومنی تامان یول آلدیم.
قاره کوز، آق چادر و حزینلنگن سیما بیلن اویینینگ سینیغ دیواری اطرافیده اولتیرگن شرافت، اوغلینینگ تقدیری طالبان تامانیدن اویین آستیده آلینگنیدن حکایه قیلهدی.
برچه انسانلرنی صبری نی سیندیرهدیگن کوز یاشی بیلن ایتیشیچه، طالبان اونینگ اوغلی نی پاکستان یوباریب و پیچکاری آرقلی اونینگ میهسینی چیقهگن. اونینگ اوغلی حاضر افغانستان قیتیب و برچه کیشیلرنی کافردیب و اهالینینگ باشی کیسیلیشی نی روا بیلهدی.
شرافت بیلن صحبت اوتکزیش، قضیه توغریسیده آرتیق معلومات آلیش اوچون مینی قیزیقتیردی.
.jpg)
انهشو پیت خیرمحمد نی کوردیم. او، طالبان آرقلی میهسی چیقهلیب و خودکش هجوم گه تیار بولهدیگن بالهلر و یاش ییگیتلردن حکایت قیلماقده. خیرمحمد گه کوره، 10 دن 12 یاش گچه بولگن بالهلر طالبلر تامانیدن کوپراق تنلنهدی.
جوزجان ولایتینینگ مردیان تومنیده باریشدن محروم بولمسلیگم اوچون خیرمحمد بیلن سوزلشوونی توختهتیب قویدیم.
بوزیلگن دیوارلر و یرهلنگن قیشلاقلر برچهسی اهالینینگ درد آستیگه قویگن اوروشدن حکایه قیلهدی.
یول جریانیده حیاتنینگ قیینچیلیگی اوچون بیلی بوکیلگن اللهبیردی بیلن اوچرهدیم.
48 یاشر اللهبیردینینگ ایتیشیچه، طالبان هیچکیم حتا بالهلر و ییگیتلرگه هم رحم قیلمهیدیلر. اونگه کوره، طالبلر بالهلر و یاش ییگیتلرنی پاکستان یوباریب و اولرگه خودکش و ترورچیلیک هجوملرنی تعلیمات بیرهدیلر. اللهبیردی غم آستیگه باتگن سیماسی بیلن قیینچیلیکلری توغریسیده دولتدن یاردم ایستهیدی.
اوزون سفر و یخشی یمان جایلرنی کورگندن کیین، بو توغریده خوفسیزلیک مسئولری بیلن صحبت اوتکزیش اوچون جوزجان مرکزی شبرغان شهریده کیلدیم.
.jpg)
جوزجان پولیس قومندانلیگینینگ خوفسیزلیک آمری کمالالدین یاور، طالبلر خودکش هجوملر اوچون بالهلر و یاش ییگیتلردن فایدهلنیشی نی تَن آلهدی. بیراق ایتیشیچه، طالبلر جوزجان ولایتینینگ مردیان تومنی یا-ده باشقه منطقهلرده بوندی بیر اِیش گه قول اورگنلرینی کورستهدیگن حجت حاضرگچه قولگه کیلمهگن.
بو سفرنی یکونلنتیردیم و قیتهدن قیتیش گه قرار قیلدیم؛ جنگریلر حضوری باعث بو سفردن تیریک قیتیش گه امیدوار ایمس ایدیم. بیراق بو توغریده دولت گه قرشی قوراللی کیشیلرنی فکرینی آلیشیم کیرهک ایدی و شو یوزهدن طالبلر تامان باش اوردیم.
طالبلر سوزلاوچیلریدن ذبیحالله مجاهد بالهلر و یاش ییگیتلر میهسی چیقهلیب و یاش ییگیتلرگه خودکش هجوم تعلیمات بیریلیشی نی رد قیلیب ایتیشیچه، اوشبو گروه جنگریلری آرهسیده بالهلر یوق دیر.
جناب مجاهد بیلن سوزلشدیم؛ حاضر اوییم گه قیتیب و آیینهدن تشقری گه باقهمن، آسمان دن قار دانهلری توشیب و گیلاسم نی ایچیدهگی یاشیل چای، وضعیتم نی بیر آز یخشیلنتیردی، بیراق حاضرگه قدر شرافتنینگ قاره کوزی، آق چادری و غم گه باتگن سیماسی نی فکریم دن چیقارالمهدیم.
