آتی سیر قالیشی نی ایستهگن بیر منبع نینگ سلاموطندارگه ایتیشیچه، اوتگن کون کیچ قورون کیسکین حمایهوی کوچلر کاروانی بگرام تومنی نینگ پل باریک آب منطقهسیده، پارتلش ماده دن تولیق بولگن بیر موترنینگ هدفی آستیده قرار تاپدی.
اوشبو منبع گه کوره، مذکور حادثهده بیر ترجمان 4 چیتایل حربی بیلن هلاک و شونینگدیک کیسکین حمایهوی کوچلری نینگ ایکی حربیسی تن جراحتی کوتارگن.
منبع نینگ کوپهیتیریشیچه، کیسکین حمایوی کوچلر اوشبو حادثهدن کیین اوق آتیش نی باشلهگنلر و نتیجهده 7 تینچ اهالی تن جراحتی کوتارگن.
شونینگدیک کیسکین حمایهوی کوچلر بیر خبرنامه ترقهتیب 3 آمریکالیک عسکر بیر قراردادی کیشی بیلن هلاک بولیب و عسکرلریدن باشقه 3 تهسی نینگ تن جراحتی کوتارگنی نی تصدیقلهگن؛ بیراق تینچ اهالی نینگ تن جراحتی کوتارگنی توغریسیده هیچ بیر نرسه دیمهگن.
باشقه بیر تاماندن پروان حاکمی سوزلاوچیسی وحیده شهکارنینگ ایتیشیچه، اوتگن کون چیتایل کوچلرنینگ کاروانی اوستیگه بولگن خودکش هجومده 5 تینچ اهالی یرهلنگن.
طالبلر مذکور حادثه مسئولیتی نی بوینلریگه آلیب ادعا قیلیشلریچه، اوشبو حادثهده 6 چیتایل عسکر هلاک و باشقه 4 عسکر تن جراحتی کوتارگن.
اوشبو حادثه 1398- ییل ده پروان ولایتیده یوز بیرگن بیرینچی حادثه کیم کیسکین حمایوی کوچلرنی نشانگه آلگن.
