.jpg)
افغانستاندهگی تشقی کوچلر باشلیغی جان کمبل، هلمند امنیتی وضعیتی یخشی لنیشی اوچون جدی دقت قیلیشیدن خبر بیردی. هلمند ولایتیده بلند مرتبهلی هیآت ترکیبیده بارگن جان کمبل، امنیتی قیینچیلیکلر ییچیلیشی اوچون امنیتی کوچلر جهازلنتیریش و کوچلنیشی بارهسیده کورهشیب، ولایت امنیتی قیته تآمین بولگونگه قدر پاکلش عملیات دوام ایتیلیشینی اورغولهدی.
بو هیآت ترکیبیده اولکه دفاع و ایچکی ایشلر وزیرلری معصوم استانکزی و نورالحق علومیلر هم بار. بو هیآت اوتگن کون کیش قورونده میوند ۲۰۱۵ قول اردوسیگه باردی و هلمند والیسی میرزاخان رحیمی و باشقه ولایت رسمیلری بیلن اوچرهشیب صحبت قیلدیلر.
اوشبو اوچره شووده هلمند والیسی ولایتده جایلشگن امنیتی کوچلر کمچیلیکلری و ایستهکلرینی مرکزدن بارگن هیآتگه بیلدیردی. او هلمند امنیتی تآمین ایتلیشی اوچون قولده آلگن ریجهلری بارهسیده معلومات بیریب، تیزلیکده ولایت امنیتی قیینچیلیکلری حل ایتیلهدی دیدی.
 - Copy 1.jpg)
بو شوپیتده دیرکه ولایت سنگین تومنیده اوتکزیلگن پاکلش عملیاتده طالبلردن اونلرچهسی هلاک ایتیلگن ایدی. هلمند پولیس سوزلاوچیسی شاهمحمود آشنا نینگ ایتیشیچه، اوتگن کیچه ساعت ۲ ده امنیتی کوچلر واسطهسی بیلن سنگین تومنی نینگ چوغک منطقهسیده هوایی هجوم اوتکزیلیش نتیجهسیده طالبلردن ۴۵ کیشی هلاک بولگن. عین حالده، او امنیتی کوچلر تلفاتی بارهسیده بیرنرسه دیمهدی.
شونینگدیک آشنا اوتگن کون توشدن کیینگی مارجه تومنیده اوتکزیلگن عملیاتده، جنگری طالبلر باشلیغلریدن بیری ملا تواب اوغلی ملا ناصرنی اولگنیدن خبر بیردی. آشناگه کوره، حاضرهم منطقهده عملیات دوام ایتیب بارماقده.
اما طالبان سوزلاوچیلریدن بیری قاری یوسف احمدی سونگی هلمنده اوتکزیلگن اوروشده امنیتی کوچلردن ۳۰ کیشی اولر قولیده هلاک بولیب کوپلب قورال اسلحهلرینی غنیمت آلگنلیگینی بیلدیرهدی.
