سلاموطندار بیلن خاص صحبت اوتکزگن افغانستان بوییچه ناتو تشکیلاتینینگ ملکی ایلچیسی کارنیلیوس زمرمننینگ ایتیشیچه، تشقی کوچلرنینگ افغانستانده قالیشی تینچلیک جریانی گه باغلیق بولگن.
جناب زمرمن افغانستانده ناتو کوچلرینینگ ملکی ایلچیسی صفتیده بولگن مأموریتینینگ سونگی کونلرینی اوتکزماقده؛ اونینگ ایتیشیچه، بیرینچیدن تینچلیک سعی و حرکتلری نتیجه بیریشی کیرهک و تینچلیک شرطنامه سیگه قول قوییلگنیدن سونگ، تضمینات اوستیگه بحث قیلینسه و بو توغریده دنیاجماعهچیلیگینینگ رولی تأثیرچن دیر.
افغانستان بوییچه ناتو تشکیلاتینینگ ملکی ایلچیسینی افغانستانده تشقی کوچلر کمهییشی خصوصیده بولگن مش-مشلر توغریسیده ایتیشیچه، حاضرگچه بو توغریده بویروغ بیریلمهگن. اونگه کوره، ناتو تشکیلاتی هم افغانستانده تینچلیک تأمینلنیشی خصوصیده سعی و حرکت قیلهدی.
جناب زمرمن، تینچلیک تأمینلنیشی خصوصیده مملکت جمهور رئیسی محمداشرف غنینینگ سعی و حرکتلریدن قدردانلیک بیلدیریب ایتیشیچه، طالبلرگه حکومت تامانیدن شرطسیز تینچلیک تکلیف قیلینیشی و حکومت بیلن بو گروهنینگ آرهسیده 3 کونلیک آتیش کیسین اعلان بولگنی افغانستان اهالیسی اوچون تأریخی بیر حرکت ایدی.
ناتو تشکیلاتینینگ ملکی ایلچیسی، افغانستان تینچلیک لایحهسی بوییچه آمریکانینگ خاص نمایندهسی زلمی خلیلزادنینگ سونگی فعالیتلریگه اشاره قیلیب ایتیشیچه، خلیلزادنینگ سعی و حرکتلری تشقی کوچلر چیقیشی توغریسیده ایمس، بلکیم تینچلیک سوزلشوولری نتیجه بیریشی دیر.
کارنیلیوس زمرمن، تینچلیک جریانیده بوتون اهالی رولینی اونملی بیلیب و مملکت نینگ بوتون یشاوچیلریدن تینچلیک جریانی گه قوشیلیشلرینی طلب قیلگن و دنیاجماعهچیلیگی هم بو سعی و حرکتلردن حمایت قیلهدی.
شو توغریده…
ناتو: افغانستاندن چیقیش توغریسیده قرار آلینمهگن
ناتو باش کاتبی: تینچلیک کیلیشووی توغریسیده حاضرچه بیر نرسه دییشگه وقت دیر
ناتو: تینچلیک توغریسیده بولگن سونگی سعی و حرکتلر ایجابی دیر
زمرمن، افغانستان تینچلیک جریانیده پاکستان رولی اشاره قیلیب ایتیشیچه، منطقه مملکتلری منفعتلرینی افغانستان تینچلیگی گه بیلیشلری کیرهک. زمرمن گه کوره، افغانستان بیلن پاکستان یخشی مناسبت بولگنده اسلامآبادنینگ نفعی گه دیر و ایکی مملکت نینگ علاقهسی افغانستان برقرارلیگی گه باغلیق بولگن.
ناتو ملکی ایلچیسینینگ ایتیشیچه، طالبان گروهی بیلن پاکستان نینگ علاقهسی بار و بو علاقهدن افغانستانده تینچلیک تأمینلنیشی خصوصیده فایدهلنیشی کیرهک. طالبان گروهی گه خطاب اونینگ اورغولشیچه، افغانستان اوروشینینگ حربی ییچیم یولی یوق دیر و طالبان گروهینینگ هم مذاکره میزی اوستیگه حاضر بولیشدن باشقه یولی یوق دیر.
جناب زمرمن، اوروش میدانلریده امنیتی کوچلرنینگ قربانلیک رقمی کوپهیگنی اشاره قیلیب ایتیشیچه، افغانستان امنیتی کوچلری گه تعلیمات بیریب و کوچلنتیریلیشی گه علاوه، خاص کوچلرنی کوپهیتیریش و هوایی کوچلرنی رولی افغانستان امنیتی کوچلرینینگ قربانلیگی کمهییشی گه تأثیر قویهدی.
ایتیش کیرهک کیم، افغانستانده کارنیلیوس زمرمننینگ مأموریتی سونگی کونلریگه ییتیشگن و تیزلیککه افغانستان بوییچه بریتانیا ایلچیسی اونینگ اورنیده تعیین ایتیلهدی.
