بادغیس ولایتی کینگش باشلیغی عبدالعزیز بیگ نینگ سلاموطندارگه ایتیشیچه، اوتگن کیچه مذکور ولایتنینگ آبکمری و قادس تومنلریده ملی پولیس، محلی پولیس و مردمی کوچلرنینگ پوستهلریگه قوراللی طالبلر هجوم قیلگنلر.
اونینگ کوپهیتیریشیچه، بو هجوملر نتیجهسیده قادس تومنیده ملی و محلی پولیسلردن 14 تهسی و آبکمری تومنیده مردمی کوچلردن 7 تهسی هلاک ایتیلگن.
اونینگ ایتیشیچه، اوشبو واقعهگه قادس تومنیده امنیتی کوچلردن 9 تهسی یرهلنگن.
بادغیس ولایتی کینگش باشلیغیگه کوره، آتیشمه نتیجهسیده طالبان جنگریلریدن کمیده 10 تهسی هلاک ایتیلگن.
جناب بیگ نی امنیتی ادارهلرنینگ مدیریت سیزلیگی دن تنقید قیلیب ایتیشیچه، امنیتی کوچلرنینگ ایستکلریگه دقت بولمهگن.
عینحالده، بادغیس حاکمینی سوزلاوچیسی جمشید شهابینینگ بو خبرنی تصدیقلب ایتیشیچه، اوشبو ولایت قادس تومنیده امنیتی کوچلردن 4 تهسی هلاک ایتیلیب و باشقه 3 تهسی یرهلنگن.
اونینگ ایتیشیچه، آبکمری تومنیده یوز بیرگن واقعهگه مردمی کوچلردن 4 تهسی هلاک ایتیلیب و باشقه 4 تهسی یرهلنگن.
جناب شهابی گه کوره، امنیتی کوچلر و قورالی طالبلر آرهسیده صورت تاپگن آتیشمه نتیجهسیده طالبان جنگریلریدن 15 تهسی هلاک ایتیلیب و باشقه 10 یرهلنگن.
بادغیس حاکمینی سوزلاوچیسینینگ ایتیشیچه، کمکی کوچلر محل گه بارگن و طالبان جنگریلری منطقهدن قاچیب کیتگن.
اوشبو خبر طالبان گروهی تامانیدن هم تصدیقلنگن.
