سابق جمهور رییس حامد کرزینینگ ایتیشیچه، روسیه افغانستان بیلن قوشنی و بو اولکه تروریسمگه قرشی کورهشیش اوچون افغانستانگه یاردم بیرسین.
جناب کرزی تورت کونلیک سفریده روسیه بارگن، پنجشنبه کون خبری اولتیریشده «بوگونکی روسیه» خبرگزارلیگیگه، افغانستان ثباتی قوشنیلری؛ روسیه، چین و هند تروریسمگه قرشی کوره شیش اوچون بیرگه لیکده یاردم بیرسین دیدی.
شونینگدیک سابق جمهور رییس اوتگن کون موضوع توغری سیده روسیه جمهور رییسی ولادیمیر پوتین و تشقی ایشلر وزیری سرگی لاوروف بیلن اوچره شووده چیقدی.
جناب کرزیگه کوره، تروریسمگه قرشی کورهشمهگن حالده، تینچلیک و ثباتگه قول تاپیش امکانیتی یوق.
اونینگ کوپهیتیریشیچه، روسیه جمهور رییسی و تشقی ایشلر وزیریگه افغانستان و روسیه بیرلیکده باید تروریزیمگه قرشی کورهشیش زمینه سینی یرهتسه دیگن پیشنهادینی بیرگن.
سابق جمهور رییس رسانهلر بوییچه دفتری تامانیدن ترقهتیلگن خبرنامهده کیلیشیچه، حامد کرزی روسیه نینگ بین المللی رابطهلر باشلیغی ایگور ایوانوفنینگ رسمی چقیریغی اساسیده مسکو بارگن.
کرزی و پوتین تارتیشووموضعی؛ داعش
عین حالده روسیه جمهور رییسی افغانستان سابق جمهور رییسی بیلن مسکوده اوتکزگن اوچره شووده افغانستان 25 ولایتیده داعش گروهی حضور تاپگنلیگینی بیلدیردی.
روسیه جمهورلیک سرایینینگ رسمی ویبسایتیدن ترقه تیلگن گزارشگه کوره، جناب پوتین اوشبو اوچره شووده «داعش گروهینینگ کون سایین قیله دیگن فعالیتی و مذکور گروه مواضع مستحکملشی» و افغانستانده طالبلر گروهینینگ اویوشتیره دیگن هجوملریدن خواطر بیلدیرگن.
جناب کرزی روسیه جمهور رییسی بیلن اوتکزگن اوچره شوویده، داعش افغانستانگه تیگیشلی بولمهگن بیرپدیده دیگن: «اسلامی دولت (داعش) ایری بیرموضوع بولگن. اولرنینگ افغانستان بیلن قیسی مناسبتی یوق. اولر بیزدن ایمس. بیزنینگ خلق ارا ایلدیزی بولمهگن و شبهه سیز کوتیلمس حالده مذکور گروه تاپیلیشی تشقی اولکه لر یاردمی اساسیده بولگن».
سابق جمهور رییس دفتری تامانیدن ترقه تیلگن خبرنامهده کیلیشیچه، بوسفرده جناب کرزی افغانستان و منطقه بویلب بنیادگراییلیک تهدیدلر و تینچلیک اوچون بیرگهلیک فرصتلر و یوکسلیشلر بارهسیده موجود قیینچیلیکلر توغری سیده صحبت قیلیشی کوتیلهدی.
روسیه جمهورلیک سراینینگ رسمی ویبسایتیده حامد کرزیدن نقل قیلیب یازیلیشیچه، اسلامی دولت (داعش) افغانستان اوچون توزهلمه گن، بلکیم مذکور گروه افغانستاندن منطقه اولکهلری تامان اوزلرینی سیلجیتیش اوچون ایش آلهدی دیگن.
بوسفرده جناب کرزی داعشنی یششی منطقه ثباتی و امنیتی اوچون جدی تهدید لیگینی تیلگه آلگن و منطقه اولکهلری اینیقسه افغانستان و روسیه یاردملیکلریگه تاکید قیلگن.
اوشندهیکه اوتمیش 13 ییل مابینیده منطقهده افغانستان امیریکه بیرلشمه ایالتی اصلی متحدلریدن سنلردی، اما حامد کرزی جمهورلیک ریاست دوریده روسیه بیلن یخشی علاقه باغلشگن ایدی.
شوپیتده روسیه جمهور رییسی داعش حضوری و طالبلرنی افغانستانده فعالیتلرینی دوام بیریشیدن خواطر کورستهدی که شو سونگی کونلرده افغانستان شمالی، اینیقسه کندوز، بدخشان و تخارده ناتینچلیکلر آشیب بارماقده.
نیچه کون آلدین طالبلر کندوزنینگ ایکی تومنینی اوز تصرفلریگه آلگن ایدی؛ اما امنیتی کوچلر ویژه عملیات یولگه قوییشلری بیلن بو ایکی تومننی طالبلر قولیدن قیته آلدیلر.
