.jpg)
فاریاب ولایتی کینگش باشلیغی محمدطاهر رحمانینینگ ایتیشیچه، فاریاب ولایتینینگ شیرینتگاب تومنیده خوفسیزلیک کوچلرینینگ کمیده 30 تانکی طالبلر تامانیدن اوت گه یاندیریلگن.
اوشبو تانکلر خوفسیزلیک کوچلرینینگ اکمال قیلهدیگن کاروانی گه تیگیشلی دیر و اولر نیچه کون آلدین، میمنه شهریده کیلیب و اوتگن کیچه مزارشریف کیتهدیگن بیر چاغده نابود بولگن.
مذکور تومن یشاوچیلری گه کوره، کمیده 40 تانک اوت گه یانگنی نی اوزکوزلری بیلن کورگنلر.
بیراق شیرینتگاب تومن ولسوالی عبدالرازق کاکرنینگ ایتیشیچه، یالغیز بیر تانک اوت گه یانگن و آتیشمهلر نتیجهسیده، اردو کوچلریدن 5 تهسی هلاک بولگن. اونگه کوره، مذکور آتیشمهده 13 طالب هلاک بولگن.
.jpg)
فاریاب ده بیرینچی اردو لواسینینگ سوزلاوچیسی غلاممحمد احمدی تلفات توغریسیده باشقچه ایتهدی. اونینگ ایتیشیچه ،یالغیز 5 تانک اوت گه یانگن بیراق خوفسیزلیک کوچلرینینگ قربانیلری توغریسیده هیچ بیر نرسه دیمهیدی.
طالبان بیر خبرنامه ترقهتیب ایتیشیچه، اردو کوچلرینینگ 70 دن آرتیق تانک و انترنشنل موترلرینی کویدیریب و مذکور آتیشمهده کمیده 50 عسکر هلاک و یرهلنگن.
