سلاموطندارگه صحبت بیرگن بادغیس ولایت کینگشی اعضاسی عبدالعزیز بیکنینگ ایتیشیچه، بوگون ایرتهلب قلعۀنو شهرینینگ 20 کیلومترلیگیدهگی «سنگ زرد» منطقهسیده، کیسکین حمایهوی کوچلرنینگ حمایتیده افغان امنیتی کوچلری عملیات یولگه قویگن.
جناب بیک گه کوره، اوشبو هجومده امنیتی کوچلر ناتوغری شکلده محلی پولیس پوستهلریدن بیرینی نشانگه آلگن و نتیجهده 8 محلی پولیس هلاک ایتیلگن. بیراق جناب بیک نینگ ایتیشیچه، حاضرگچه بو هجوم کیسکین حمایهوی کوچلر یا-ده افغان امنیتی کوچلرینینگ تیک اوچرلری تامانیدن اویوشتیریلگنی معلوم بولمهگن.
عین حالده، سلاموطندارگه صحبت بیرگن مملکت غربیده 606 انصار زونی قومندانی جمعهخان عدیل، بو واقعهنی تصدیقلب ایتیشیچه، هوایی عملیات جریانیده محلی پولیس کوچلری شخصی کییم بیلن پوستهلریدن چیقهیاتگن چاغیده، تیک اوچرلر تامانیدن نشانگه آلینگن.
جناب عدیلنینگ کوپهیتیریشیچه، واقعه تیکشیریلیشی اوچون بیر هیأت تعیین ایتیلگن و بو هیأت عملیات کیملر تامانیدن اویوشتیریلگنینی معلوم قیلهدی.
