بغلان ولایتیدهگی امنیتی منبعلرنینگ ایتیشلریچه، بغلان – سمنگان قتناو یولی حاضر هم کیلیب-کیتیش یوزیگه باغلیق دیر و شونینگدیک طالبان گروهی پلخمری شهری اطرافیدهگی چشمهشیر و باغشمال منطقهسی نینگ ایریم بولیمیده چک پاینت ایجاد قیلگن.
مذکور امنیتی منبعلر آتیلری فاش ایتیلیشی نی ایستمهی سلاموطندارگه ایتیشلریچه، قومندانلری و امنیتی کوچلردن قطاری مذکور قتناو یولده طالبلرنینگ قمرویده قالگن.
اوشبو منبعلرگه کوره، شونینگدیک طالبان مذکور قتناو یول نینگ ایریم بولیمی نی ماین پارتلهتیش بیلن تخریب قیلگن.
بغلان – سمنگان قتناو یولی باغلهنیشی بیلن اوتگن کوندن بویان اونلرچه یوک و یولاوچی تاشووچی موتر بو قتناویول نینگ ایکی تامانیده بند قالگن.
اوشبو منبعلرگه کوره، دولتی کوچلرنینگ بو قتناویول نی آچیش اوچون یولگه قویگن عملیاتی حاضرگچه نتیجه بیرمهگن.
بیراق بغلان ولایتیده خاص پولیس قطعه قومندانی شریفالله خوستی نینگ ایتیشیچه، بغلان-سمنگان قتناویولی نی آچیش اوچون امنیتی کوچلرنینگ عملیاتی نی دوامی بار.
اونگه کوره، قتناویول نی آچیش اوچون خاص پولیس کوچلری بلخ و سمنگان ولایتلریدن کیلگن، بیراق طالبان تینچاهالی نینگ اویی گه جایلشگنی باعث عملیات سیکین آلغه کیتهدی.
بغلان – سمنگان قتناویولی نینگ ایکی تامانیدهگی یشاوچیلردن قطاری نینگ ایتیشلریچه، اوشبو آتیشمه باعث حاضرگچه 100 دن آرتیق عایله اویلرینی ترک قیلیب، پلخمری شهری گه کیلگن.
ایتیش کیرهک کیم طالبان گروهی بیر هفتهدن بویان پلخمری شهری اطرافیده جایلشگن بغلان – سمنگان قتناویولیده آغیر هجوم باشلهگن و امنیتی کوچلر بیلن آتیشهدی.
اوشبو هجوملر و مذکور قتناویولده یوزبیرگن ماین پارتلهشی باعث حاضرگچه امنیتی کوچلردن 7 تهسی هلاک و باشقه 10 تهسی ایسه یرهلنگن.
