افغانستان اینیقسه شمالی ولایتلرده اسلامی دولت جنگریلر (داعش) نینگ بیراغی تیکلهنیشی بیلن روسیهنینگ تشویشی آشیشیگه باعث بولگن. روسیه مدافعه وزیری سرگی شایگونینگ تاجکستانده ایتیشیچه، افغانستانده داعشنینگ پیدا بولیشی بو مملکت اوچون ییریک تهدید سنلهدی.
بوندن تشقری روسیهنینگ افغانستان ایشلری بوییچه مخصوص وکیلی ضمیر کابلوف، روسیه داعشنی نابود قیلیش اوچون قوراللی طالبلر بیلن مشترک منفعتگه ایگه دیگن. او، روسیه طالبلر بیلن علاقه قوریش اوچون حرکت قیلگن لیگینی تیلگه آلگن.
عین حالده، ایش بیلرمانلرنینگ سوزلریگه قرهگنده، افغانستان حکومتی ترورچیلرگه قرشی کورهشیش اوچون منطقه و دنیا دولتلری ایشانچینی قولگه کیریته آلمهدی و حاضر ایسه روسیه ترورچیلر تهدیدیدن امان قالیش اوچون طالبان بیلن علاقه قوریش عرفهسیده.
سیاسی تحلیلچی کابلخان تدبیرنینگ بو حقیده سلاموطندارگه ایتیشیچه، افغانستان حکومتی منطقه مملکتلری بیلن اوز علاقهسینی سقلشگه خطا وضعف کورستگنلیگی سبب بوگون منطقه مملکتلری اینیقسه روسیه داعشگه قرشی کورهشیش اوچون طالبلرنی مناسب تنلاو توشونگن.
باشقه تاماندن سیاسی تحلیلچیلردن بیری فردوس کاوشنینگ سلاموطندارگه ایتیشیچه، قوراللی طالبلر منطقه دولتلری اینیقسه مرکزی آسیا اوچون جدی تهدید دیر. جناب کاوش جنگری طالبلر زمانوی قورال اسلحه بیلن حمایت ایتیلگن حالده، منطقه دولتلری اوچون ییریک سنهلیشلری توغریسیده آگاهلنتیریگن.
اوشبو سیاسی ایش بیلرمانلر سوز لریگه قرهگنده، افغانستان شمالیده داعش گروهی فعالیتی آشیشی روسیه خواطرلرینی آشیرگن. اوتگن بیر ییلدن بیری داعش افغانستانده سیزیلرلی درجهده رواجلندی. روسیهنینگ افغانستان اوچون مخصوص نمایندهسیگه کوره، افغانستان و پاکستان طالبلری ابوبکر البغدادینی «خلیفه» صفتیده تن آلمیدیلر؛ اما افغانستان حکومتینینگ رسمیلری هردایم مملکتدهگی داعش گروهی سابق طالبلردن عبارت ایکنلیگی بارهسیده تاکیدلب کیلگنلر.
