.jpg)
جوزجان محلی پولیس قومندانلریدن بیرقطارینینگ آگاهلنتیریشیچه، اوشبو ولایتنینگ قوشتپه و درزاب تومنلریده کیلهجک نیچه کونده تازهلش عملیات یولگه قوییلمهگن صورتده، قوراللری بیلن عصیانچیلرگه قوشیلهدی.
اوشبو قومندانلرنینگ ایتیشیچه، حکومت یالغیز اوروش شدتلنگن بیرچاغده بو تومنلرگه دقت قیلهدی.
محلی پولیس کوچلریدن کمیده 300 کیشینی رهبرلیک قیلهدیگن محلی قومندانلردن بیری شیرعلینینگ ایتیشیچه، ترورچی گروهلرنی نابود ایتیشده حکومتنینگ هیچ بیر لایحهسی یوق دیر و بو وضعیت دوام ایتگن صورتده، اولر باشقچه قرار قیلهدیلر.
محلی قومندانلردن باشقه بیری چارینینگ ایتیشیچه، مرکزی حکومت، باشقه نیچه کونده مذکور تومنلرده تازهلش عملیات یولگه قویمهگن صورتده، حربی جهازلرینی دولتگه تاپشیریب و اوزلری نفرلری بیلن عصیانچیلرگه قوشیلهدی.
بیراق، سلاموطندار بیلن صحبت اوتکزگن جوزجان پولیس قومندانی رحمتالله ترکستانینینگ ایتیشیچه، یقین آرهده قوشتپه و درزاب تومنلریده عصیانچیلرگه قرشی کینگ حربی عملیات یولگه قوییلهدی و امنیتی کوچلر، دولتگه قرشی قوراللی عصیانچیلرنی نابود ایتیشگه قادر دیر.
بو بیرینچی مرته کیم، جوزجان محلی قومندانلری، حکومت تامانیدن تازهلش عملیات یولگه قوییلمهگنی سبب، قوراللرینی ییرگه قوییب و مخالف گروهلرگه قوشیلیشلری خصوصیده آگاهلنتیرگنلر.
