209 شاهین قول اردو قومندانلیگینینگ بیرینچی لوا قومندانی روزمحمد غَرَنینینگ بو خبرنی تصدیقلب سلاموطندارگه ایتیشیچه، طالبان جنگریلری، تینچاهالی اویلریدن سنگر صفتیده، عیاللر و بالهلردن انسانی سپر صفتیده فایدهلنهدی.
اونینگ ایتیشیچه، طالبان جنگریلریگه یوزمهیوز مقاومت قیلیش کوچی یوق، انهشو سبب عیاللر و بالهلردن انسانی سپر صفتیده فایدهلنهدی.
غَرَنینینگ کوپهیتیریشیچه، امنیتی کوچلر تینچاهالی تلفاتیگه توسیق بولیش اوچون سعی و حرکت قیلهدی.
عینحالده، فاریاب ولایتی شیرینتگاب تومنینینگ ولسوالی سید شرافالدیننینگ سلاموطندارگه ایتیشیچه، طالبان جنگریلری اوشبو تومن یشاوچیلریدن انسانی سپر و اویلریدن سنگر صفتیده فایدهلنهدی.
اونینگ ایتیشیچه، طالبلر جادهلرنینگ یقینلریده بولگن اویلرنی تونل آرقهلی بیربیرولری بیلن وصل قیلگن و او ییرلردن امنیتی کوچلرنی هجوم آستیگه قرار بیرهدیلر.
اونینگ کوپهیتیریشیچه، امنیتی کوچلر طالبلرنینگ هجومیگه قرشی حرکت قیلگن صورتده، طالبلر تونللر آرقهلی قاچیب کیتهدیلر، بیراق تینچاهالی تلفات کورهدی.
شیرینتگاب ولسوالی گه کوره، اهالی طالبلرنینگ بو حرکتیگه قرشی کیلگن صورتده، اولر تامانیدن آگاهلنتیریلهدی.
شیرینتگاب تومنی یشاوچیلریدن بیری غلامسخینینگ ایتیشیچه، طالبلر زوردن اولرنینگ اویلریگه کیریب تونل قازیدیلر و اولر اویدن قاچیشگه مجبور بولهدیلر.
شیرینتگاب بازاری و قیشلاقلری میمنه- مزار قتناو یولیده قرار تاپگن و اوشبو قیشلاقلردن بیرقطار طالبلر نظارتیگه دیر. امنیتی کوچلر مذکور قتناو یولدن اوتهدیگن چاغده طالبلرنینگ هجومی آستیگه قرار بیریلهدی و نتیجهده تینچاهالی زیان کورهدی.
