مملکت شمال شرقی بغلان ولایتیده سوداگر عیاللرنینگ جمغرمهسی ایلکبار فعالیتگه باشلهدی. ولایت عیاللر ریاست مسؤوللرینینگ ایتیشیچه، بغلان عیاللری یخشی حرفهیی مهارتگه ایگه بولگن، بیراق بوندن آلدین ایشلب چیقارگن نرسهلرینی ساتیشگه مناسب ییر بولمهگنی سبب، موفقیتلی بولمهگن فردی ایشلرگه قول اورگنلر.
اوشبو رسمیلرگه کوره، بغلانده سوداگر عیاللر جمغرمهسی تشکیل ایتیلیشی، مذکور ولایت سوداگر عیاللریگه یاردم بیرهدی.
بغلان ولایتی خاتین – قیزلر ریاست باشلیغی خدیجه یقیننینگ اوشبو جمغرمه آچیلیش مراسمیده ایتیشیچه، مذکور جمغرمهدن مقصد، سوداگر عیاللر اوز باشیمچهلیگی، قول صنعتلری اوچون بازار تاپیش، کورگزمهلر یولگه قوییش و ایشلب چیقارگن نرسهلرینی باشقه ولایتلر و شونینگدیک مملکتدن تشقری صادر قیلیش اوچون زمینه یرهتیش دیر.
خانم یقینگه کوره، بو جمغرمه آغاخان دفتری مالی یاردمی بیلن توزهلگن.
بغلان عیاللر ریاست باشلیغینینگ ایتیشیچه، 500 دن آشهراق سوداگرعیال ایشلری یخشیلنیشی خصوصیده بو جمغرمهگه اعضا بولگن.
شونینگدیک بغلان عیاللر ریاست مسؤوللرینینگ ایتیشیچه، حاضر 700 قشاق عیال بو ولایتده تیکوچیلیک، قول تیکیش، مونچاق توقیش، اریچیلیک، تاووغ سقلش و دکاندارلیک بیلن شغللنهدی.
