بغلان ولایتی ده صلاح ولسواللگینینگ شاشان قیشلاغیده بیر تویده یوز بیرگن قوراللی آتیشمده 21 کیشی حیاتدن کوز یومیب باشقه 6 انسان یرهلنگن. بغلان ولایت محللی رسمیلریگه کوره، توقنشوو اوتگن کیچه ساعت اون بیرده تویده ایکی گروه نا قانونی قوراللی شخصلر اورته سیده یوز بیرگن. ایتلیشیچه، آتیشمه بیر ساعت دوام تارتگن.
بغلان ولایت والیسینینگ سلام وطندار بیلن تیلفونی علاقهده بولیب ایتیشیچه، مذکور قوراللی هجوم بیر بچه اوستیده روی بیرگن. اولدیریلگن لر ایچیده بلاغتگه ییتمهگن گودکلر بارلیگی هم ایتیلهدی.
شونینگدیک واقعهده یرهلنگن لر برچهسی ولایت ساغلیقنی سقلش ادارهسیگه ییتکزیلگن. بو قوراللی آتیشمهده 40 گه یقین انسان اولیب یرهلنگن لیگی تیلگه آلینهدی.
عینی گواهلرگه کوره، مذکور تویده 500 کیشی اشتراک قیلگن. ده صلاح ولسواللیگینینگ ولسوالی محبالله محقق نینگ سلام وطندارگه بیلدیریشیچه، اوشبو قوراللی ناقانونی قوارللی شخصلردن بولمیش جمعهخان و ایوبلر اورتهسیده یوز بیرگن.
حادثهده یرهلنگنلر، واقعهده 40 انسان اولیب یرهلنگن لیگینی تیلگه آلگنلر.
ولسوال، مذکور ناقانونی قوماندانلر سابقدن هم بیر – بیراو لری بیلن دشمنلیکلری بولگن لیگینی ایتگن. جناب محقق، هنوزگچه هم حادثهده قولی بارلیککه گمان سیرهلیب هیچ کیم حبس گه آلینمه گن دیگن. ایتیلیشیچه، بو توغریده تیرگاو باشلنگن. ایتلیشیچه، نا قانونی قوراللی شخصلر ولایتنینگ ده صلاح ولسواللیگیده فعالیت قیلهدیلر و محل اهالیسی هر دایم مذکور گروه آرقهلی ازیت ایتیله دیلر.
بوندن آلدین هم اوشبو ولسواللیکده بیر تویده یوز بیرگن حادثه ده نیچه کیلیشی اولیب یرهلنگندی.
بچه بازلیک افغانستان اجتماعسیده ناپسند بیر پده سنلهلدی. کوپینچه ناقانونی قوراللی شخصلر بوندهی ایش لرگه قول اوره دیلر.
