.JPG)
برشنا شرکتینینگ مسؤوللری، بوگون کابلده بیر خبری ییغینده اوتکزیب، جاری آیدن باشلب برق نرخی کوتاریلیشی بارهسیده خبر بیرگنلر.
برشنا شرکتینینگ باشلیغی قدرت الله دلاوری، اوشبو شرکت سونگی تورت آیده دالر بهاسی آشگنی باعث، 18 میلیون دالر زیان کورگنلیگینی تیلگه آلگن.
بوگون(سهشنبه) کابلده اوتکزیلگن خبری ییغینده برشنا شرکتی باشلیغی قدرت الله دلاورینینگ ایتیشیچه، اوشبو شرکت زیان کورگنی باعث، کیلهجک قویاش ییل باشلهنیشی بیلن برق بهاسی آشیریلهدی.
.jpg)
برشنا شرکتینینگ باشلیغیگه کوره، اوشبو شرکت برق بهاسینی جاری ییل باشلهنیشیده دالر بهاسی 58 افغانی بولگن چاغیده تعیین قیلگن، بیراق حاضر دالر بهاسی افغانی پول برابریده آشگنی باعث، برشنا زیان کورگن و اوشبو زیاننی مملکت برق صرفلاوچیلریدن قولگه کیریتهدی.
جناب دلاورینینگ ایتیشیچه، اوتگن 28 کون ایچیده اوزبیکستاندن کابل کیله دیگن برق اوزیلگنی باعث، اوشبو شرکت پایتخت یشاوچیلریگه برق بیریش اوچون حرارتی برق دن فایده لنیب 2.5 میلیون دالر خرج قیلگن.
عین حالده، برشنا شرکتی رسمیلری نینگ ایتیشیچه، سوداگرلیک ییریک ایش خانهلر و کوپ برق صرفله یدیگن مشتریلرنینگ برق پولینی آشیریش خصوصیده سعی و حرکت قیلینهدی.
