افغانستاندهگی بیرلشگن ملتلر تشکیلاتی (یوناما) نینگ ایتیشیچه، سونگی بیرهفتهده اوروشلردن کیلگن گزارشده قرهگنده افغانستان نینگ کوپلب قسمیگه اوروش و زورانلیکلر جدی رویشده دوام ییتیب، مذکور اوروش مهم بولیمینی تینچ اهالی تلفاتی تشکیل بیرهدی.
افغانستاندهگی بیرلشگن ملتلر تشکیلاتی اورین باسرلیگی نینگ خبرنامه ترقهتیب یازیشیچه، اوتگن بیر هفته آقیمیده، مذکور دفترده 46 ایری زورانلیکلر رویخطگه آلینگن.
یوناماخبرنامهسیده کیلیشیچه: «دستلبکی تدقیقاتلرگه کوره، 2016 -ییل 30 اکتوبردن 5 نوامبرگه قدرتینچ اهالیدن 95 کیشی اولیب و باشقه 111 نفر یرهلنگن»
افغانستاندهگی بیرلشگن ملتلر تشکیلاتی نینگ مخصوص نمایندهسی تدامیچی یاماموتو، تینچ اهالی نینگ اولیشی مملکت تینچلیک برقرارلیگیگه زیان ایتکزهدیگن آغیر یونهلیش دیب بیلهدی.
شونینگدیک یوناما دفتری افغانستان حکومتیدن، قندوز ولایتی نینگ بوز قندهاری قیشلاغیده روی بیرگن هوای هجومده بمب تشلنگن حادثهلر برچهسینی تیزلیکده طرفسیز و ایرکین تدقیقات اوتکزیب، قانیقرلی جواب بیریش، قربان بولگنلرگه خساره و کیلهجکده بونقه هجوملر آلدینی آلیش بارهسیده کیرهکلی اقداملر نظرده توتیشینی سورهگن.
