فاریاب ولایتی سوداگرلریدن بیرقطارینینگ ایتیشیچه، مملکت جمهور رئیسی سوداگرلرنینگ سوداگرلیک توارلریدن سالیق آلینمهسی خصوصیده، فرمان صادر قیلگنیدن سونگ، مزارشریف-میمنه قتناو یولیده طالبان گروهینینگ جنگریلری گمرک ایجاد قیلیب و اولرنینگ سوداگرلیک توارلریدن سالیق نامیده پول آلهدیلر.
فاریاب ولایتینینگ مرکزی میمنه شهرینی دکاندارلریدن ایکی کیشی میرویس و وحیدنینگ ایتیشیچه، طالبان گروهی اولرنینگ هر بیر موتر سوداگرلیک توارلریدن 7 مینگ افغانیدن باشلب 34 مینگ افغانی گچه پول آلهدیلر.
عین حالده، فاریاب ولایتی کینگش اعضالرینینگ ایتیشیچه، طالبان گروهی سالیق نامیده سوداگرلردن آلگن پول بیلن بو گروهنی کوچلنتیرهدی.
فاریاب ولایتی کینگشینی اورین باسری صبغتالله سیلابنینگ ایتیشیچه، طالبان گروهی گمرک ایجاد قیلیب ییلده 150 میلیون افغانیدن آرتیق پول توپلهیدی.
شو توغریده…
اعتراضچی هیداوچیلر: فراه پولیسی اولردن باج آلهدیلر
هرات-قندهار قتناو یولیده جایلشگن امنیتی کوچلر، باجآلیش و جنسی زورهوانلیککه عیبلنگنلر
قندوزنینگ رواجلنتیریش پروژهلریدن طالبلر باج آلهدی
طالبلر جوزجان یشاوچیلریدن آیده 4 میلیون افغانی باج آلهدی
شوندهی بیرحالده، فاریاب حاکمینی سوزلاوچیسی جاوید بیدارنینگ ایتیشیچه، طالبان گروهی تشقی مالی منبعلرینی قولدن بیرگن و شو یوزهدن مملکتنینگ کته قتناو یوللریدن گمرک ایجاد قیلیب مالی منبعلرینی تأمین قیلهدیلر.
سلاموطندار میدیا ترماغی آرقهلی بوندن آلدین هم طالبان گروهی تامانیدن فاریاب تومنلرینینگ یشاوچیلریدن عشر و زکات توپلهنیشی توغریسیده گزارش ترقهتیلگن ایدی.
