افغانستان نهضت صلح، عدالت و آزادی ناملی تشکیلات کابلده شاهین 209 قول اردو شهیدلریگه دعا مراسمینی آلدیلر. مراسمگه اشتراک ایتگنلر امنیتی کوچلر فعالیتلرینی آلقیشلب، مذکور کوچلرگه یخشی امتیاز بیریلمسلیگینی تیلگه آلدیلر.
اشتراکچیلرنینگ ایتیشلریچه، اوشندهیکه امنیتی کوچلر جان بیریش بهاسی بیلن یشاوچیلرنینگ جان و مالیدن دفاع قیلهدی، اما حکومت اوشبو کوچلرگه قانیقرلی امتیازلرنی نظرده توتمهگن و بو عسکرلر حیاتی قیینچیلیک بیلن روپهره.
مراسم اشتراکچیلریدن مجلس اعضاسی لطیف پدرام نینگ ایتیشیچه، عسکرلیک بورچی مقدس و وطن سیورلیک، بیراق مملکت حربی کوچلریدن وسایط عنوانیده استفاده قیلنیهدی و ملی مدافعه وزیرلیگی یوقاری بستلریده سلیقه و قوم یوزهسیدن ایشگه آلینهدی.
جناب پدرام، اوروش چیزیغیده اوروشهدیگن عسکرلرنینگ کیرهکلی اوروش لوازملری یوق، ربته لری ارتقا قیلمهگن و ایکینچی درجهده تانیله دیلر دیدی.
سیاسی تحلیلچی احمد سعیدی هم دولتی نهادلردهگی سونگی مقررهلردن انتقاد قیلیب ایتیشیچه، برچه دولتی یوقاری پستلرده کیشیلر سلیقه و قوم یوزهسیدن آلینه دیلر.
بیراق ملی مدافعه وزیرلیگی نینگ سوزلاوچیسی محمد رادمنش ادعالرنی رد قیلیب سلاموطندارگه ایتیشیچه، اوشبو وزیرلیک هیچ بیر مقررهسی تعصب و قوم یوزهسیدن بولمهگن و امنیتی یوقاری بستلرده ایریم قوملردن ایشلب کیلماقده.
قانون بویروغی اساسیده، امنیتی کوچلرگه برچق حقوقلری آز و کوپ قیلینمسدن بیریلهدی دیدی جناب رادمنش.
