ننگرهار ولایتینینگ هسکهمینه تومنی خانهدانلریدن بیرقطارینینگ ایتیشیچه، اولر حکومتنی ایستهگی بیلن منطقهلرینی ترک ایتیب و یمان وضعیتده حیات کیچیرهدیلر و حکومت حاضرگهقدر هیچ قندهی یاردم بیرمهگن.
اولرگه کوره، حکومت هییت بیرهمیدن اوچ کون آلدین منطقهلریده داعشگه قرشی عملیات یولگه قوییش اوچون اولردن اویلرینی ترک ایتیشلرینی سورهگن ایکن، بیراق حاضرگچه بو منطقهده عملیات یولگه قوییلمهگن.
بدرغه بولگنلردن بیری عبدالرحیمنینگ سلاموطندارگه ایتیشیچه، هسکهمینه تومنیدن 400 عایله بدرغه بولگن و بو عایلهلردن کوپینچهسی مکتبلر، صحی مرکزلر و آچیق فضاده یمان حالتده حیات کیچیرهدیلر.
اونگه کوره، حاضرگهقدر حکومت هیچ قندهی یاردم بیرمهگن.
.jpg)
محل یشاوچیلریدن باشقه بیری محمدنینگ ایتیشیچه، باشپناه، ییگولیک آذیق اوقت و ایچیملی سوو یوقلیگی اولرنینگ اساسی قیینچیلیکلریدن دیر.
محل قوم بویوکلریدن بیری عبدالقیومنینگ ایتیشیچه، هسکهمینهده داعش قرارگاه قورگن و عملیات یولگه قوییلمهگن صورتده، بو تومن سقوط قیلیشی ممکن.
شونینگدیک، هسکهمینه تومنینینگ ولسوالی سازولی شینواری، مذکور تومننینگ قالا، شیخا و گورگوری منطقهلریده داعش گروهی قرارگاه قورگنینی تصدیقلهیدی.
