حکومت رهبرلری دوشنبه کونگی پارلمانگه کیره دیگن هجومچیلرگه قرشی توسیق بولگن عسکرنی تقدیرلهدی.
دوشنبه کونی طالبلر افغانستان پارلمانیگه اویوشتیرگن هجومیده، پارلمان ایشیکچی عسکری 6 هجومچینی آتیب اولدیردی.
سهشنبه کونی بو عسکر بیلن جمهور رییس و اجراییه باشلیغی اوچره شیب اونی تقدیرلهدی. اونینگ شهامتینی قدرلب اونگه بیر اوی ساوغه بیردی. شونینگدیک بو اوچره شووده اونگه شجاعت مدالی و رتبه بیریلیشی قرار قیلیندی.
شونینگدیک جمهور رییس بیرینچی اورین باسری جنرال عبدالرشید دوستم، مذکور عکسرگه نقد پول یاردم بیریشی بیلن بیر موتر ساوغه قیلدی.
کینگش اعضاسی جانلرینی سقله گن عسکر مدیون بولیب، اونگه نقدی یاردم بیرگنلر.
عیسی خان، جانی باریچه وطندن دفاع قیلیشگه کورهشهدی. او تشقی استخباراتلرگه افغانستانده کیلیب عصیانچیلیک فعالیت قیلیشگه رخصت بیرمسلیگینی ایتدی.
بو شهامتلی عسکرنینگ ایتیشیچه، بیش دقیقه آره سیده هجوم چیلرنی نابود ایتگن.
دوشنبه کونی یوزبیرگن واقعه جمهور رییسنینگ ایکینچی اورین باسری سرور دانش، ملی مدافعه وزیرلیگی نامزد وزیرینینگ کینگشگه تانیشتیریش قرار قویگن بیرچاغده یوزبیرگن.
لیکن، بو کیشیلر مجلسگه کیریب و مجلس باشلیغی خوش کیلدینگیز دیه دیگن چاغده بیرینچی پارتلاو هجومی یوزبیردی.
اوندن کیین، باشقه نیچه پارتلاو هجوم یوزبیردی. بیراق مجلس نمایندهلری، پارلمان ایشچیلری و خبرچیلر، پارلماننینگ اضطراری ایشیگیدن چیقگنلر.
عیسی خاننینگ دوشنبه کونگی اوروشی توغریسیده ایتیشیچه، « توختهگن ایدیم. بیلردیم شو ایشیکدن کیرهدی. کیرگن چاغلریده آلتی هجومچینی هم کیینمه کیین آتیب تشلهدیم».
مذکور عسکر بو ایشی بیلن واقعهدن سونگ نیچه ساعت ایچیده اجتماعی ترماغلرده شهرتلی چهره گه اوزگردی.
بیراق طالبلر بو عسکرنینگ سوزلرینی یالغان چیقاریب ایتیشیچه، او هوش سیزلیکدن 6 هجومچینینگ اولدیرگنی ادعاسینی قیلگن.
نمایندهلر کینگشی سهشنبه کونگی ییغینیده دوشنبه کونگی هجوم توغریسیده پاکستان استخباراتینی عیبلب و حکومتدن بو قضیهنی جدی صورتده تیکشیریشینی سورهدی.
