امیریکه قوشمه ایالتلری، ینه بیر بار پاکستاندن طالبلرنی افغانستان حکومتی بیلن مذاکره میزی اوستیگه حاضر لشینی سورهدی.
امیریکه تشقی ایشلر وزیرلیگی سوزلاوچیسی جان کربینینگ بیر خبری ییغینده ایتیشیچه، امیریکه دولتی تینچلیک سوزلشوولری و افغانستان بیلن پاکستان دولتی اورتهسیدهگی همکارلیکلردن حمایت قیلهدی.
جناب کربینینگ کوپهیتیریشیچه، پاکستان تینچلیک مذاکره توغریسیده افغانستانگه جدی صورتده یاردم بیریشی کیرهک.
امیریکه تشقی ایشلر وزیرلیگی سوزلاوچیسینینگ ایتیشیچه، افغانستان بیلن پاکستان امنیتی کوچلری طالبلرگه قرشی کورهشیش خصوصیده کوپلب زیان کورگن.
ملی بیرلیک حکومتی تشکیل ایتیلگنیدن کیین، افغانستان حکومتی، پاکستاندن اوتکن 13 ییلگه قرشی، افغانستان بیلن علاقهسینی یخشی لنتیریشینی سورهگن ایدی.
اوتکن ییل مملکت جمهور رییسی اشرف غنینینگ، پاکستانگه قیلگن سفری و مذکور مملکت حربی و ناحربی ییریک رسمیلری بیلن اوچرهشگنیدن کیین، ایکی مملکت رسمیلرینینگ اورتهسیده اوچرهشوولر و سفرلر کوپ یوزبیردی.
افغانستان بیلن پاکستاننینگ یخشی علاقهسی دنیا جماعهچیلیگی تامانیدن خوش قرشیلندی.
اونگه قوشیمچه، پاکستان دولتینینگ معلوم قیلیشیچه، تیزلیکده طالبلرنی مذاکره میزی اوستیگه حاضرلهیدی، انه شو سبب اسلام آباد بیرینچی مرته مری شهریده افغانستان رسمیلری بیلن طالبلر رسمیلرینینگ تینچلیک مذاکره توغریسیده روپهره قیلدی.
اوشبو سوزلشوولر اداغیده، افغانستان مذاکرهچیلری بو اولتیریشنی ایجابی بیلیب و پاکستان دولتی میلادی 2015- ییل جولای آییده ایکینچی تینچلیک مذاکرهنی یولگه قوییشگه سوزبیردی.
طالبلر گروهی سابق رهبری ملا عمرنینگ اولیمی بیللی بولگنیدن کیین، پاکستان تشقی ایشلر وزیرلیگی رسمیلرینینگ ایتیشیچه، طالبلر ایکینچی تینچلیک مذاکره اولتیریشینی نامعلوم پیتگچه آرتده قالدیرگن.
ملاعمر اورنیده ملا اختر محمد منصور تعیین بولگنیدن کیین، مملکت باشیکینتی و ایریم ولایتلر تروریستی هجوملرگه گواه بولدی.
شونینگدیک، جمهور رییس خودکش و پارتلش هجوملر کوپیگنی توغریسیده بیر خبری ییغینده حضور کیلتیریب، پاکستاننی افغانستان برابریده صداقت سیزلیککه عیبلهدی. اونینگ ایتیشیچه، افغانستان اوتمیشلرده پاکستانگه دوستلیک پیام یوبارگن، بیراق اوشبو مملکتدن بیزلرگه اوروش پیامی یوباریلگن.
