مملکت غربیده جایلشگن هلمند ولایتینینگ امنیتی بلند مرتبهلی رسمیلری، بوندن 11 کون آلدین افغان ملی کوچلری بیلن ملاهیبتالله طرفدار جنگریلر اورتهسیده باشلنگن اوروش بوگون (چهارشنبه) اوز پایانیگه ییتگنیدن خبر بیردیلر.
ظفر 207- قول اردو قوماندانلیگینینگ سوزلاوچیسی نجیبالله نجیبی، اون بیر کون دوام ایتگن توقنشو آقیمیده قوراللی طالبلرنینگ اوچ قوماندانی داخل 54 نفری اولدیریلگن دیگن. ایتیلیشیچه، اوروش جریانیده 67عصیانچی طالب تن جراحتی آلگن.
فراه امنیتی ادارهلرینینگ مسووللری، 11 کون آلدین 800 طالب ولایتنینگ پشت ردو تومنینی تصروف قیلیش اوچون نیچه تاماندن هجوم قیلگن ایدیلر دیگنلر.
ظفر 207- قول اردوسینینگ سوزلاوچیسی، توقنشوو دوگین، چیک و چارماس قیشلاقلریده دوام ایتگن دیدی. اما، ملی ادرو اوچاقلری هوادن افغان ملی کوچلریگه یاردم بیریب، طالبلرنی آرتگه اورگن.
ایتیلیشیچه، 11 کون دوام ایتگن اوروشده دولت قوراللی مخالفلرینینگ 15 موتری نابود ایتیلگن.
فراه ولایتیده ملی اردو حربیلری سوزلاوچیسی عبدالروف رحمانینینگ ایتیشیچه، آتیشمه جریاینده ملی اردونینگ 3 حربیسی قربان بولیب و باشقه 8تهسی یرهلنگن.
اوروش توغریسیده هنوزگچه دولت قوراللی مخالفلری بیرار نرسه دیمهگنلر.
ولایت عمومی وضعیتی توغریسیده خواطر بیلدیرگن ولایت کینگشینینگ بیر قنچه اعضالری، فراه ولایتیده پولیس کوچلری تشکیلاتی آز بولگنلیگی باعث مذکور کوچلر امنیتنی تامین قیلیشگه قادر بولمیدیلر دیگن.
