بغلان ولایتینینگ محلی بلند مرتبهلی رسمیلری، مذکور ولایتده دولتنینگ تارتیب آلینگن 15 مینگ جریب ییری قیتهدن آلینگن لیگینی ایتگنلر.
ولایتنینگ عدلیه رییسی سیدمحمود سادات نینگ سلام وطندارگه ایتیشیچه، مذکور ییرلر زوروان شخصلر آرقهلی تارتیب آلینگن.
اما، ولایت عدلیه وزیری ییرلرنی روزدن تارتیب آلگنلردن آت توتمهگن. لیکن او، بغلان ولایتیده دولتنینگ کوپچیلیک ییرلری حکومت بلند مرتبهلی رسمیلری، نمایندهلر و محلی قوماندانلر طرفیدن عضب ایتیلگن دیگن.
شونینگدیک جناب ساداتگه کوره، هنوز هم 41 مینگ جریب ییر ولایتنینگ ایریم ولسوالیکلریده زوروان شخصلر قولیده قالماقده. سادات، اوشبو ییرلر قیتریب آلینیشی اوچون جدی معمالر بیلن روپه ره ایکنلیگینی ایتگن.
عدلیه ریاستینینگ مسووللری، مذکور ییرلر اندراب، پلخمری، خنجان و مرکزی بغلانگه قرهشلی بولگنلیگینی ایتگنلر.
افغانستان بویلب اوتگن ییللرده مینگلب جریب ییر زوروان شخصلر طرفیدن تارتیب آلینگنی ایتیلهدی. شونینگدیک ییرلرنی زوردن تارتیب آلیش اوتگن اون اوچ ییلده هم ییریک جنجاللردن بولگن.
آخرگه کیلیب افغانستان جمهور رییسی محمد اشرفغنی ییرلرنی تارتیب آلیش، آلدی آلینیشی اوچون ییر بوتونلیگی عالی کینگشی نی ایجاد قیلدی.
