افغانستان غربیده جایلشگن هرات ولایتی نینگ یشاووچیلریگه کوره، مذکور ولایتده مدنی ادارهلر مدنی جماعه چیلیک نامینی سوء استعمال قیله دیلر.
ایریم مدنی تشکیلاتلر اوتگن اون اوچ ییل آقیمیده انه شو یول بیلن کتّه مبلغ لرنی اوز چونتکلریگه اورگنلر. هراتلیک لرنینگ ایتیشیچیه، مذکور ادارهلر هنوزگچه هم هرات ولایتیده بوساحه ده کوزگه کورینرلی درجه ده ایش قیلیشگه موفق بولمه گنلر.
ایتیلیشیچه، مدنی ادارهلر هر ییلی ایریم خارجی تشکیلاتلردن میلیونلب دالر بهاسیگه بولگن لایحه لرنی آله دیلر. اما، حاضرگه قدر هم هیچ قندهی ایجابی و اهالی منفعتیگه بولگن ایشنی عملگه آشیرمه گنلر.
نمایندهلرمجلسیده هرات ولایتینینگ خلق وکیلی مسعود کروخی اوشبو مسله باره سیده تشویش بیلدیریب ایتیشیچه، بیرینچی باسقیچلرده مدنی ادارهلر هرات ایمس بلکه افغانستان بویلیب ایریم ایجابی ایشلرنی قیلیشگن ایدی.
لیکن، زمان اوتیشی بیلن مدنی ادارهلر زوروانلر طرفیدن سوء استعمال بولیب، نتجیه ده اوز ایرکینلیک لرینی قولدن بیریش گه باعث بولدی.
کروخی افغانستانده مدنی ادارهلر ایرکینلیگی سلب ایتیلیشی حکومت همده مدنی جماعه چیلیک اوچون بیر آگاهلنتیریش بولگن لیگینی ایتگن. هرات ولایتیده ایریم ایش بیلرمانلر، مذکور اداره لرنینگ فعالیتی و ینه ایشلری اونچه لیک نتیجهلی بولمه لگن لیگینی ایتیب، افغانستانده مدنیت ساحه سیدهگی وضعیت اوچون قیین چیلیک یره تیلیشی ممکن لیگینی بیلدیرگنلر.
شونینگدیک ایش بیلرمانلر، مدنی ادارهلرنینگ هرات ولایتیده عملگه آشیرگن ایشلری اونچه لیک سیزیلرلی بولمه گن لیگی حقیده گپیرگنلر.
اجتماعی ایش بیلرمان نعیم غیورنینگ سلام وطندارگه ایتیشیچه، هرات ولایتیده قطار مدنی ادارهلری ایریم ایلچیلیکلر و خارجی وکالت خانهلر آرقهلی حمایت ایتیله دیلر. هرات ولایتیده مدنی ادارهلر ایشلری اهالی تامانیدن تنقید آستیگه آلینگن بیر چاغده مدنی ادارهلرنینگ مسووللری سونگی ییللر جریانیده قیلگن ایشلری ایجابی بولگن لیگی خصوصیده تاکیدله گنلر.
هرات ولایتیده مدنی ادارهلرنینگ مسوولی خلیل احمد پارسا، مدنی ادارهلر سوء استعمال قیلگن لیکلری باره سیده گی ادعالرنی رد قیلیب ایتیشیچه، مدنی ادارهلرگه قرشی فکر بیلدیرگنلر مذکور ادارهلر مالی همده اداری ایش لرینی یقیندن کوزه ته آله دیلر. حاضرگه قدر هرات ولایتیده 700 مدنی اداره رویخطگه آلینگن. جمله دن 75 اداره، مدنی ادارهلر ترماغی نینگ اعضالیگینی کسب قیلیشگه موفق بولیشگن.
