افغانستانلیک ایریم سیاسی تحلیلچیلر قوراللی طالبلرنینگ نیچه بولینگنلیگی همده بو جریان اوچون پاکستان حکومتی صداقت بیلن همکارلیک قیلمسلیگی سبب طالبلر بیلن اوتکزیلهدیگن تینچلیک مذاکرهسی نتیجه بیرمسلیگی ممکن دیگنلر.
تورت تامانلمه هماهنگلیک ییغیننینگ تورتینچی دوری اوتگن کون پایتخت کابلده اوتکزیلدی. مذکور گروه بیر اعلامه ترقهتیب، افغانستان حکومتینینگ برچه قوراللی مخالفلریدن میلادی جاری ییل مارچ آیی نینگ بیرنچی هفتهسیده اوتکزیلگه دیگن تینچلیک مذاکرهسیده اشتراک قیلیشنی سوره گنلر.
ایریم گزارشلرده، قوراللی طالبلرنینگ ایریم رهبرلری تینچ لیک مذاکرهسیده اشتراک قیلیشلری اوچون اوز اورتهلریده بعضی ضدیتلر بارلیگی معلوم قیلینهدی. هنوز گچه دولت قوراللی مخالفلرینینگ قیسی بولیمی حکومت بیلن مذاکره قلیشی معین ایتیلمهگن. شونینگدیک بو جریان اوچون پاکستان قنچهلیک صادق بولیشی بعضی شک و تردیدلر هم موجود.
تحلیلچیلرگه کوره، قوراللی طالبلرنینگ برچه گروهی مذکور تینچلیک مذاکرهسیده اشتراک قیلمهگن حالده، حکومت کوزلهگن نتیجه گه ایریشمسلیگی ممکن. بیر گروه بیلن تینچلیک مذاکره اوتکزیش افغانستان خلقی کوزلهگن نتیجهنی بیرمیدی.
بوندن نیچه آی آلدین قوراللی طالبلرنینگ سابق رهبری ملا عمر وفات ایتگنی اعلان ایتیلیشی و ملا اختر محمدنصور بو گروهنینگ رهبری ایتیب تعین لهنیشی قوراللی طالبلر حرکتی اورتهسیده بعضی قرمه قرشیلیکلر پیدا بولیشی گه سبب بولدی. ایتلیشیچه، حاضرگی کونده قوراللی طالبلر اوچ گروه گه بولینگن.
سیاسی تحلیلچی جاوید کوهستانینینگ بو توغریده ایتیشسیچه، پاکستان باسیم آستیگه آلینگن لیگی سبب قوراللی طالبلرنینگ بعضی گروهلرنی تینچلیک مذاکرهسیگه تیارلش اوچون مجبور.
عین حالده، افغانستان ملی خوفسیزلیک کینگشی نینگ مصلحتچیسی حنیف اتمر، بوگون (چهارشنبه) روسیهنینگ نمایندهسی تاماندن حربی قوراللی اسلحه افغانستان حکومتیگه تاپشیریلیشی مناسبتی بیلن اوتکزیلگن ییغینده سوزگه چیقیب، قییی گروه مذاکره گه تیار بولیشی و بولمسلیگی اونچهلیک مهم ایمس دیگن. شونینگدیک او تینچلیک مذاکرهسیده اشتراک قیلمهگن دولت قوراللی مخالفلری نابود ایتیلیشلری بارهسیده ینه بیر بار تاکیدلهگن.
