میدانوردک ولایتی جلریز تومنینینگ فوتبال تیرمه جماعهسینینگ کمیده 9 اعضاسی، طالبلر تامانیدن اوغیرلنگن. بیراق، اوشبو واقعهدن ساعت اوتگنیدن کیین، علی پور ناملی قومندان رهبرلیگیدهگی قوراللیلر، طالبلرنینگ گروگه آلیشلری قصدیگه منطقه پشتونلریدن 11 کیشینی نامعلوم ییرگه آلیب کیتگنلر.
میدانوردک حاکمی سوزلاوچیسی عبدالرحمن منگلنینگ سلاموطندارگه ایتیشیچه، اوشبو سپورتچیلر اوتگن کون (سهشنبه) کیچ قورون نورمحمدخان منطقهسیده طالبلر تامانیدن اوغیرلنگنلر.
جناب منگلنینگ ایتیشیچه، مذکور سپورتچیلر، میدان شهردن جلریز تامان کیتهیاتگن بیرچاغده، بو واقعه یوز بیرگن. اونینگ ایتیشیچه، مذکور سپورتچیلرنی آزاد ایتیش اوچون سعی و حرکتلر دوام ایتماقده.
اوشبو خبرنی تصدیقلگن میدانوردک ولایتی کینگش اعضاسی شریفالله هوتکنینگ ایتیشیچه، بو قضیهدن ساعت اوتگنیدن کیین، علیپور ناملی قومندان رهبرلیگیدهگی قوراللیلری، محلدهگی پشتونلردن کمیده 11 کیشینی اوزلری بیلن آلیب کیتگنلر.
جناب هوتکنینگ ایتیشیچه، اوشبو قوراللی کیشیلر، 9 سپورتچی آزاد ایتیلمهگونگه قدر، گروگه آلگن 11 کیشینی قوییب یوبارمسلری خصوصیده آگاهلنتیرگنلر.
اوشبو موضوع توغریسیده قومندان علی پور بیلن سوزلشیشنی ایستهدیک، بیراق کیین مه کیین علاقه بیلن بو ایشگه مؤفق بولمهدیک.
قوراللی طالبلر، حاضرگچه بو توغریده هیچ نرسه دیمهگنلر.
