فاریاب ولایتینینگ کوهستان تومنینی باردی و کیلدی یولی توسیلگنی باعث، مذکور تومن اهالیسی ساووق موسومده قشاقلیک و آچلیک خطریگه روپهره بولیشی ممکن.
کوهستان یشاوچیلریدن بیرقطارینینگ ایتیشیچه، اوشبو تومن بیلن فاریاب مرکزی میمنه شهرینینگ قتناو یولی اوچ آیدن بویان طالبلر تامانیدن یاپیلگن و کوهستانگه آلیب کیلینهدیگن ییگولیک آذیق اوقت و باشقه تَورلرنی باشقرهدیلر.
اولرنینگ ایتیشیچه، مذکور تومننینگ باردی و کیلدی یولی توسیلگنی باعث، ییگولیک ماده بهاسی نیچه برابر کوپهگن.
کوهستان یشاوچیلرینینگ آگاهلنتیریشیچه، اوشبو یول حکومت تامانیدن قیته آچیلمهگن صورتده، ساووق موسم ییتیشیب و قار یاغگن تقدیرده، فاریاب مرکزی بیلن اوشبو تومن علاقهسی باشقه آلتی آیگچه کیسیلهدی، اهالی ایسه قشاقلیک و آچیلیک خطریگه روپهره بولیشی ممکن.
کوهستان یشاوچیلری، مذکور یول قیته آچیلیشی خصوصیده، حکومتنینگ بیفرق یاندهشیشگه عیبلب ایتیشیچه، قیش موسومی ییتیشیدن آلدین، اهالی قیینچیلیکلری حل ایتیلیشی لازم.
عین حالده، خلق کوچلری قومندانی و قوم بویوکلریدن بیری سعادتنینگ سلاموطندارگه ایتیشیچه، مذکور تومننینگ یولی اوچ آی آلدین، جنگری طالبلردن یوزلرچهسی کوهستان مرکزی اوستیگه هجوم قیلگن بیرچاغده یاپیلگن، بیراق اهالی حمایتیده امنیتی کوچلر تامانیدن آرقهگه اوریلیب و بو گروهگه آغیر زیان ییتکیزیلگن ایکن.
جناب سعادت، مرکزی و محلی رسمیلردن کوهستان- میمنه قتناو یولینی قیته آچیشلرینی سورهگن و بو ایشگه قادر بولمهگنده، چمهسی مذکور تومن طالبلریگه ییتکیزیلهدیگن ییگولیک آذیق اوقت و نفتی مادهلرنی باشقریشلری کیرهک.
بیراق، فاریاب پولیس قومندانی عبدالنبی الهامنینگ ایتیشیچه، تیزلیکده اوشبو یول اهالی یوزیگه آچیلهدی و کوهستان تومنی طالبلردن تازهلنهدی. اونگه کوره، اوشبو گروه، اهالیگه قرشی اقتصادی باسقین کیریتیب کوهستان تومنینی نظارتگه آله آلمهیدی.
