209 شاهین قول اردو قومندانلیگی مسووللرینینگ ایتیشیچه، طالبان گروهینینگ اوشبو قومندانلری فاریاب ولایتینینگ قیصار تومنیده امنیتی کوچلر و ناتو تامانیدن یولگه قویلگن حربی عملیات نتیجهسیده هلاک ایتیلگنلر.
209 شاهین قول اردو قومندانلیگینینگ سوزلاوچیسی محمدحنیف رضایینینگ سلاموطندارگه بیر خبرنامه یوللهب ایتیشیچه، امنیتی کوچلر و ناتو اوتگن کونی قیصار تومنیده طالبان مرکزی اوستیگه هجوم قیلگنلر.
جناب رضایینینگ کوپهیتیریشیچه، بو عملیاتده طالبلرنینگ مملکت 5 ولایتی بوییچه مالی مسوولی مولوی گندم، طالبلرنینگ قیصار تومنی بوییچه محکمه باشلیغی مولوی حفیظ الله، قیصار تومنیده طالب تامانیدن ناملنگن ولسوالنینگ اورین باسری مولوی خان آغا و اوشبو گروه محلی قومندانلریدن بولمیش مولوی ناصر باشقه 56 جنگریلری بیلن هلاک ایتیلگنلر.
209 شاهین قول اردو قومندانلیگینینگ مسووللریگه کوره، طالبان جنگریلریدن ایکی تهسی امنیتی کوچلر قولیگه توشگن و شونینگدیک اوشبو گروه بیر باشپناهسی، تورت عراده موتری و باشقه قطار موترسایکلی تخریب ایتیلگن.
طالبان گروهی حاضرگهقدر بو توغریده میدیالر بیلن صحبت قیلمهگن.
