افغانستان بوییچه بیرلشگن ملتلر تشکیلاتینینگ نمایندهلیگی یا-ده یوناما نینگ ایتیشیچه، افغانستانده تینچ اهالی تلفاتی میلادی 2019- ییلنینگ اگست آیدن نوامبر آیگهقدر 13% آشگن.
افغانستان بوییچه بیرلشگن ملتلر تشکیلاتینینگ خاص نمایندهسی تدامیچی یاماماتو نینگ ایتیشیچه، میلادی 2019- ییلده 6 مینگ و 654 امنیتی واقعه افغانستانده رویخط گه آلینگن.
جناب یاماماتو گه کوره، اوشبو واقعهلردن 55% نی قوراللی اوروشلر تشکیل بیرهدی و کوپراغی قندهار، هلمند و ننگرهار ولایتلریده یوز بیرگن.
ایچکی ایشلر وزیرلیگی سوزلاوچیسی نصرت رحیمی نینگ سلاموطندارگه ایتیشیچه، تینچ اهالی تلفاتینینگ کوپراغی طالبان تامانیدن جاده کناریده جایلشتیریلگن ماین نینگ پارتلهشی عاقبتده صورت تاپگن.
جناب رحیمیگه کوره، تینچ اهالی تلفاتیدن 97% گه طالبان گروهی مسوول دیر.
