هرات برشنا ادارهسینینگ باشلیغلریگه کوره، ترکمنستاندن کیلهدیگن برق پایهلریدن بیری ییقیلیشی عاقبتیده ولایت یشاوچیلریدن 35 مینگ عایله نینگ برقی کیلهجک تورت کونگه قدر کیلمیدی.
طالبلر ولایت کُشک رباطسنگی تومنیده ترکمنستاندن کیلهدیگن برق پایهلریدن بیرینی پارتلنتیردی.
هرات برقینینگ کیتیشی بیلن تینچ اهالی، کسبه کارلر و دولتی ادارهلر ایشیده قیینچیلیکلر روی بیرگن. هرات یشاوچیلرینینگ ایتیشیچه، برق کیتیشی بیلن، کوندهلیک ایشلری پرچهو بولیب، ایش سیز قالگنلر.
هرات یشاوچیلریگه کوره، برق کیتیشی عاقبتیده قیینچیلیک طفیلی، کوپلب اقتصادی زیان کورگنلر. اولرگه کوره، مسؤوللر تیزلیکده مذکور قیینچیلیکنی حل ایتمهگن صورتده، وضعیتلری موندن کوره کوپراق یمان بولیشی کوتیلهدی.
دولتی ادارهلر حجتلرنی کاپی آلیش و تینچ اهالی مراجعت قیلگن کاغذلر کاپی ایتیلیشی اوچون شهردهگی کاپی خانهلرگه بارهدیلر.
ترکمنستاندن کیلهدیگن برق پایهسی رباطسنگی تومنینینگ چهلدختران منطقهسیده هدف آلینگن.
هرات برقینینگ باشلیغی وحید کامرانینینگ ایتیشیچه، محلده ینگی پایه یوباریلگن و قیتهدن برق ایشی شدت بیلن دوامی بار.
حاضرگه قدر طالبلر نیچه مرته هرات برقینی قطع قیلیش اوچون حرکت قیلگنلر. اوتگن ییل قیش موسمیده هم اوشبو منطقهده برق پایهسینی پارتلنتیریشلری بیلن هرات برقی ایکی هفته گچه قطع بولگن ایدی.
اوتکزیلگن تیکشیروولرگه کوره، هرات یشاوچیلریدن200 مینگ عایله وارد بولهدیگن برقگه قرهیدیلر؛ بولردن 15 فایزی ترکمنستاندن کیلگن برقگه و 85 فایزی ایسه ایران اولکهسیدن کیلهدیگن برقدن استفاده قیلهدیلر.
