بدخشان ولایت سرپرستی نینگ معاونی گلمحمد بیدارنینگ سلام وطندارگه ایتیشیچه، بوگون ایرتلب تانگ وقتی بیلن ساعت 4ده جرم ولسواللیگی نینگ خستک منطقهسیده پولیسنینگ پوستهسی جنگریلر آرقهلی هجوم آستیگه آلینگن.
بیدارنینگ ایتیشیچه، قوراللی طالبلر ملی اردو، پولیس و خوفسیزلیک ادارهسی نینگ کوچلری تامانیدن هجوم آستیگه آلینیب، نابود ایتیلگنلر. ایتیشیچه، اوروشده 18 عصیانچی اولدیریب تشلنگن.
شونینگدیک طالبلر تصرفیده بولگن منطقهلر ملی کوچلر آرقهلی هوا دن هجوم آستیگه آلینگن.
ولایت اورین باسری، اوروش آقیمیده ملی کوچلرنینگ ییتی نفری تن جراحتی آلیب، بیر پولیس ایسه حیاتدن کوز یومگن لیگینی بیلدیرگن.
بیدار، هجومچیلر ایچیده خارجی جنگریلر کوزه تیلگن لیگینی ایتگن. ایتیلیشیچه، منطقه ده هنوز هم اوروشنی دوامی بار.
طالبلر تامانیدن نشر ایتیلگن اعلامیهده، پولیسنینگ تورت پوستهسی تصرف قیلینگن لیگی ادعا ایتیلگن؛ اما، اولرنینگ بو ادعاسی ولایت اورین بارسری تیلیدن رد قیلیندی.
اوتگن کون بلخ دولت باش قاره لاووچیلیگی جنگری طالبلر طرفیدن هجوم آستیگه آلینیب، حمله نتیجهسیده 10 کیشی هلاک ایتیلیب، کمیده 66 انسان یره لنتیریلگن ایدی.
باشقه تاماندن، فاریاب ولایتینینگ قیصار ولسواللیگیده قوراللی طالبلر بیلن ملی کوچلر اورتهسیده جنگ یوز بیرگن لیگی ایتیلهدی. اوتگن کون ولایتنینگ محلی رسمیلری اوشبو ولسواللیک نینگ ایکّی قیشلاغی طالبلر تصرفیگه اوتگن لیگینی ایتگن ایدیلر.
قیصار ولسواللیگی نینگ یشاووچیلریگه کوره، مرکزی دولت مسووللری مذکور ولسواللیک امنیتی اوچون اعتبار قرتمهگن تقدیرده، اوشبو ولسواللیک طالبلر تصرفیگه اوتهدی.
تاجکستان افغانستاندهگی نا برقرارلیکلردن تشویش بیلدیرگن
عین حالده، شانگهای خوف سیزلیک تشکیلاتی نینگ بلند مرتبهلی رسمیلری افغانستانده نا برقرارلیکلر میزانی آشگن لیگیدن جدی تشویش بیلدیرگنلر.
مذکور تشکیلات مطبوعات کاتبلیگی نینگ مسوولی ولادیمیرگینتدینوف نینگ تاجکستان پایتختی دوشنبه ده ایتیشیچه، «افغانستانده وضعیت سبلی تامان یونلگن، اوشبو تشکیلات بو مملکتده داعش همده طالبان حرکتی نینگ اعضالری آشگن لیگیندن خواطر بیلدیرگن.
شونینگدیک جناب گینتدینوف، تاجکستان ملی اردوسی افغانستان چیگرهسیده امنیتنی تامین قیلیش اوچون بوتونلی تیارگرلیک آلگن لیگیدن خبر بیرماقده.
