مملکت سالیق وزیرلیگی رسمیلرینینگ ایتیشیچه، اوشبو وزیرلیک جاری ییل آلتی آی باشیده ایچکی عایدلرنی توپلش خصوصیده تعیینلنگن هدفگه قول تاپهآلمهگن.
سالیق وزیرلیگی، دوشنبه کون، 1393- ییل ایشلری و 1394- ییل بیرینچی آلتی آی فعالیتلرینی تیکشیریش خصوصیده، گمرک باشلیغلری، مستوفیت باشلیغلری و مذکور وزیرلیک ییریک ایشچیلری حضوریده ایکی کونلیک ییغین یولگه قویدی.
سالیق وزیری اکلیل حکیمی، بو ییغینده جاری ییل بیرینچی آلتی آی باشیده تعیین قیلگن هدف اساسیده، گمرکلر و مستوفیتلردن توپلهگن عایدلر توغریسیده معلومات بیرمهدی، بیراق ایتیشیچه، بو آلتی آیده ایچکی عایدلرنی توپلش بولیمیده کمیده 6 الی 7 میلیارد افغانی کمکیلگن.
سالیق وزیریگه کوره، افغانستان حکومتی دنیا جماعه چیلیگی ایچکی منبعلردن ایچکی خرجتنی تیارلشگه سوزبیرگن و اوشبو مسئله اساسیده، گمرکلر مسؤوللری بیلن کیلیشگن.
جناب حکیمی، گمرک و مستوفیت باشلیغلریگه، اوشبو وزیرلیک تامانیدن تعیین بولگن هدف اساسیده، عایدلرنی توپلشگه اوچ آی وقت بیردی، توپلنمهگن صورتده، وظیفهلریدن چیتلنتیریلهدی.
عین حالده، زابل ولایتی مستوفیسی حاجی شمس الدیننینگ ایتیشیچه، دیمک زابل ولایتی ناتینچ بولگن، بیراق اولر تعیینلنگن هدف اساسیده، عایدلرنی توپلشگه سعی و حرکت قیلهدی.
بیراق، لوگر ولایتی مستوفیت عایدی آمری عبدالرافع مدققنینگ ایتیشیچه، ناتینچلیکلر باعث، مذکور ولایتنی 7 تومنیدن یالغیز ایکی تومن عایدی توپلنهدی.
بو ییل ایچکی عایدلرنی توپلشگه حکومت تامانیدن 120.4 میلیارد افغانی هدف تعیین بولگن، بیراق سالیق وزیرلیگی رسمیلری جاری ییل بیرینچی آلتی آی باشیده توپلنگن عاید توغریسیده معلومات بیرمهیدی و اوشبو مبلغدن قنچهسی توپلنگنی بیللی ایمس.
شوندهی بیرحالده، سالیق وزیری گمرک و مستوفیت باشلیغلریدن، ایچکی عایدلرنی اوز چونتهگیگه اورهدیگن ایشچیلرنی تانیب و چیتلنتیریشینی سورهدی.
