افغانستان حربی رسمیلردن بیرینینگ ایتیشیچه، طالبلر بو ییل پاکستان استخباراتی تشکیلاتی (آی، اس، آی) یاردمی بیلن غزنی ولایتی کوپینچه منطقهلریده حاکم بولیش خصوصیده قرارقیلگن ایدی، بیراق ریجهلری نتیجهسیز قالگن.
حربی کوچلر اوچینچی لوا ارکان باشلیغی امیرمحمد، یکشنبه کون غزنی ولایتیده مملکت امنیتی کوچلردن حمایت ایتیش مراسمده سوزگه چیقیب ایتیشیچه، اوتکن آلتی آی جریانیده، امنیتی کوچلر تامانیدن بیر مینگ بیرگهلیک عملیات مذکور ولایت مرکزی و تومنلریده یولگه قوییلگن، نتیجهده 827 طالب هلاک بولگن و باشقه 324 تهسی یرهلنیب و 246 تهسی توتقونگه آلینگن.
امیرمحمد، پاکستاننی غزنیده طالبلرنینگ هجوملرینی ریجهلشگه عیبلب ایتیشیچه، طالبلر یالغیز پاکستانلیکلرنینگ لایحهلرینی عملگه آشیرهدی.
اوشبو حربی رسمی، نیچه هفته آلدین غزنی ولایت مرکزی قماقخانهسیدن قاچگن طالبلرنینگ آگاهلنتیریب، اوروش میدانلریده اولیم کوتیشلرینی تیلگه آلدی.
اوتکن آی 21- سنبله، طالبلر تامانیدن غزنی ولایت مرکزی قماقخانه اوستیگه اویوشتیریلگن هجوم نتیجهسیده، 352 محبوس اوشبو ولایت قماقخانهسیدن قاچگن. بو هجوم کیچه ساعت 11 ده طالب جنگریلریدن 6 تهسی حربی کییم و موتری بیلن قماقخانه ایچیگه کیرگن چاغده یوزبیرگن.
اولر امنیتی کوچلر بیلن توقنهشیب راکت آرقهلی توسیقلرنی کوتریب، قماقخانهنی بوتونلهی قولگه آلیب، اوندن کیین محبوس طالبلردن قماقخانهنی ترک ایتیشلرینی سورهگن.
عین حالده، غزنی والیسی محمدامان حمیمی، مملکت امنیتی کوچلر فعالیتلریدن آلقیشلب، غزنی یشاوچیلریدن امنیتی کوچلرگه یاردم بیریشلرینی سورهدی.
