.jpg)
کابل شهری بیر هفته جریانیده نیچه یامان واقعه گه گواه بولدی. اوتگن کون «یکشنبه» بیش هجومچی امرالله صالح نینگ دفتری اوستیگه هجوم قیلیشگن. بیراق کوزلردن یاشیریلگن قالگن نرسه طالبان نینگ قان گه باتگن بیرقلری بولیب نیچه کون آلدین جناب صالح نینگ دفتریدن تاپیلگن. مذکور بیرقلر یاشیریلیب و قوشنیلردن بیری نینگ اوستیدن تیرگاو اوتکزیلیشی اوچون روند سبز دفتری گه چیقریلگن، بیراق تیزلیککه قوییب یوباریلگن.
روند سبز دفتری نینگ قوشنیلری و هجوم ده عایله اعضالرینی قولدن بیرگنلر، مذکور شبهلی کیشی نیمه اوچون قوییب یوباریلگنینی سورهدیلر.
اوشبو واقعه ده آنهسی و ایناغهسینی قولدن بیرگن و کوزی یاش گه تولگن بانو حلیمه نینگ ایتیشیچه، مذکور قوشنی نینگ اویی گه کیلیب و کیتهدیگن شبهلی کیشیلر و اونینگ اوزینی غیرعادی حرکتی امرالله صالح شامل برچه نی شبه گه سالگن و بو موضوع باعث، قولگه آلیندی، «بیراق بو کیشی قولگه آلینگنیدن نیچه ساعت سونگ قوییب یوباریلگنی شبهلی کورینهدی.» اونگه کوره، شبهلی قوشنیلری هجومچیلرنینگ هجومی دن بیر ساعت آلدین، محل دن کوچیب چیققن.
بیرینچی پارتلش دن سونگ، حلیمه نینگ آنهسی نیمه بولدی دیب اوییدن چیقهدی، بیراق هجومچیلر اونی آتیب اولدیرهدی. بو واقعه نی کورگندن سونگ، ایناغهسی آنه سیگه یاردم بیریش اوچون اویدن چیقهدی و عین پیت ده ایکینچی پارتلش یوز بیره دی.
حلیمه گه کوره، ایناغهسی پارتلاوچی ماده توله بولگن موتر پارتلهشی عاقبتیده یرهلنگن ایکن و جانی قوتقریلیشی اوچون نیچه ساعت سعی و حرکت قیلینگن و نتیجهده ایمرجنسی کسلخانهسیده جان بیرگن.
مذکور عایله نینگ دردلری و حکایهلرینی ایشیتگنیم دن سونگ، باشقه بیر اوی گه باش اوردیم و او ییرده کته و کیچیک سینگن شیشهلرنی توپلب و اوینی ترتیب قیلماقده ایکنلر.
.jpg)
بو کوچه نی نیچه قدملیگیده سیماسیده اوتگن کونگی واقعه دن قورقینچ و دهشت تأثیری کورینگن باشقه بیر باله بیر چیکه ده اولتیریب و برماقلری بیلن اوینهب تورگن ایدی.
او، اوزی نینگ منصور دیب تانیشتیردی و قولی بیلن بیزلرنینگ نیچه قدملیگیمیزگه اشاره قیلیب ایتیشیچه، موتر شو ییرده کویلک کییگن نیچه هجومچی نی توشیردی.
اوتگن کون یوز بیرگن محل یقینیدهگی اویلریدن بیری گه کیرگن چاغیمده قوللری قاره و یوزی اوندن کوره قاره 12 یاشر بیر باله نی کوردیم. دیمک قول و یوزی نینگ قارهلیگی پارتلش ده یانگن نرسهلرنی توپلش ده سهم آلگنینی کورستردی. یقینلشگنیمده بغضی تولیب و سیسی تیترهب ایتیشیچه، بایسکلی، مکتب ده غلبه قازانیب و فوتبال ده قولگه کیریتگن جاملری و شونینگدیک، کتابلری یوز بیرگن واقعه ده اوتگن یانگن.
عین حالده، محل یشاوچیلری نینگ ایتیشیچه، روند سبز دفتری نینگ رهبرلیگی، بو هجوم یوز بیریشیدن خبر ایکن، لیکن ییترلیچه تدبیر آلمهگن.
محلده حضوری بولگن روند سبز دفتری نینگ مسؤوللری، محل یشاوچیلری نینگ ادعالری توغریسیده هیچ نرسه دیمهگن و مذکور دفترنینگ باشقه مسؤوللری بیلن بولگن بیزلرنینگ قونغیراقلریمیز هم جوابسیز قالدی.
دولت قورووچی سیلاو تیمی نینگ بیرینچی اورین باسری امرالله صالح نینگ رهبرلیگی ده بولگن روند سبز دفتری اوستیگه اویوشتیریلگن هجوم نیچه ساعت چوزیلدی و نتیجه ده 4 حربی شامل 20 کیشی هلاک و باشقه 50 کیشی یرهلنگن.
اوشبو هجوم مسؤولیتینی حاضرگهقدر هیچ بیر گروه بوینیگه آلمهگن.
